11.08.2026 | 14:29
Արթուր Ղարիբյանն արժանացել է բարձր գնահատականի ու ընդգրկվել տուրի խորհրդանշական հավաքականում. ԼՈՒՍԱՆԿԱՐ
Մոնտենեգրոյում, Ալբանիայում, Բոսնիայում և Խորվաթիայում էլեկտրաէներգիայի զանգվածային անջատումներ են գրանցվել 40°C շոգի պայմաններում
Քաղաքականություն
21.06.2024 | 23:30
Գրեթե ամբողջ Մոնտենեգրոն, ինչպես նաև Ալբանիան, Բոսնիա և Հերցեգովինան ու Խորվաթիայի Ադրիատիկ ափի մի մասը բախվել են էլեկտրաէներգիայի համատարած անջատումների՝ մոտ 40 աստիճան ջերմաստիճանի պայմաններում: Էլեկտրաէներգիայի անջատումների մասին հաղորդել է Մոնտենեգրոյի էլցանցը։
Ընկերությունից նշել են, որ դա տեղի է ունեցել «տարածաշրջանային մասշտաբի խախտումների» պատճառով։
Reuters-ի թղթակիցը հայտնում է, որ Բոսնիա և Հերցեգովինայի մայրաքաղաք Սարաևոն և մի քանի այլ քաղաքներ մնացել են առանց էլեկտրականության։ Տեղական լրատվամիջոցները հայտնում են ամբողջ երկրում էլեկտրաէներգիայի անջատումների մասին։
Խորվաթական HRT պարբերականը հայտնում է համացանցի, լուսացույցների անջատվելու և վերելակներում արգելափակված մարդկանց մասին։ Առանց էլեկտրականության են մնացել Սպլիտը, Օմիշը, Դուբռովնիկին ու շատ այլ քաղաքներ։
Hrvatska elektroprivreda էլեկտրական ընկերությունը հայտնել է, որ ամբողջական շահագործման է հանձնել իր ամբողջ հզորությունները, որպեսզի կարճ ժամանակահատվածում ապահովի էլեկտրաէներգիայի մատակարարումը։
Բոսնիական Dnevni Avaz պարբերականն էլ գրում է, որ Սարաևոյում ո՛չ տրամվայի, ո՛չ տրոլեյբուսի երթուղիներ չեն գործում, ենթադրվում է, որ պատճառը տարածաշրջանում էլեկտրահաղորդման գծերի գերբեռնվածությունն է, որն առաջացել է Մոնտենեգրոյի գծերից մեկում բռնկված հրդեհից հետո։
