15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Անանուն աղբյուրների տեղեկատվությունը չի մեկնաբանվում. ՀՀ ԱԳՆ-ն արձագանքել է «Ինտերֆաքս»-ի՝ Միքայել Հարությունյանի հետ կապված հրապարակմանը
Քաղաքականություն
31.08.2018 | 16:26
ՀՀ արտաքին գործերի նախարարությունն արձագանքել է ռուսական «Ինտերֆաքս»-ի հրապարակմանն այն մասին, որ ՌԴ-ն կմերժի Հայաստանին ՀՀ պաշտպանության նախկին նախարար Միքայել Հարությունյանին արտահանձնելու հարցում:
«Անանուն աղբյուրների տեղեկատվությունը չի մեկնաբանվում, հատկապես, որ դա կապված է Հայաստանի Հանրապետության իրավապահ մարմինների կողմից քննվող գործի հետ»,- «Արմենպրես»-ի հարցմանն ի պատասխան ասաց ՀՀ ԱԳՆ մամուլի խոսնակ Տիգրան Բալայանը:
«ՌԴ իրավապահ մարմինները Հայաստանի պաշտպանության նախկին նախարար Միքայել Հարությունյանին արտահանձնելու մասին հարցում են ստացել, և այժմ այն գտնվում է քննարկման փուլում»,- ասել է8 «Ինտերֆաքս»-իզրուցակիցը:
«Արտահանձնումը կմերժվի, քանի որ Հարությունյանը 2002 թվականից ռուսական անձնագիր ունի»,- ասել է զրուցակիցը՝ նշելով, որ համաձայն Սահմանադրության Ռուսաստանի քաղաքացիները չեն արտահանձնվում արտասահմանյան երկրներին՝ այդ թվում քրեական պատասխանատվության ենթարկվելու համար:
