02.07.2026 | 20:51
Ադրբեջանն ուսումնասիրում է ՄԱԿ-ի և ՆԱՏՕ-ի գործողություններին մասնակցելու հնարավորությունը․ Զաքիր Հասանով
Ռուսաստանը ՀՀ պաշտպանության նախկին նախարար Միքայել Հարությունյանին չի արտահանձնի Երևանին. «Ինտերֆաքս»
Քաղաքականություն
31.08.2018 | 14:11
Մոսկվան պաշտոնական հարցում է ստացել Երևանից 2008 թ. «Մարտի 1»-ի դեպքերի վերաբերյալ քրեական գործով ԱՊՀ երկրների միջպետական որոնման մեջ գտնվող, Հայաստանի նախկին պաշտպանության նախարար Միքայել Հարությունյանի արտահանձնման վերաբերյալ. տեղեկացնում է interfax.ru-ն:
«ՌԴ իրավապահ մարմինները Հայաստանի պաշտպանության նախկին նախարար Միքայել Հարությունյանին արտահանձնելու մասին հարցում են ստացել, և այժմ այն գտնվում է քննարկման փուլում»,- ասել է գործակալության զրուցակիցը:
«Արտահանձնումը կմերժվի, քանի որ Հարությունյանը 2002 թվականից ռուսական անձնագիր ունի»,- ասել է զրուցակիցը՝ նշելով, որ համաձայն Սահմանադրության Ռուսաստանի քաղաքացիները չեն արտահանձնվում արտասահմանյան երկրներին՝ այդ թվում քրեական պատասխանատվության ենթարկվելու համար:
Հիշեցնենք, որ ՀՀ պաշտպանության նախկին նախարար Միքայել Հարությունյանը մեղադրվում է 2008 թ. Մարտի 1-ի գործով սահմանադրական կարգը տապալելու համար:
