24.06.2026 | 14:40
Մարգարիա Սիմոնյանն «առաջարկել է» Փաշինյանի օգտին քվեարկած հայերին բացահայտել սոցցանցերով և արգելել նրանց մուտքը ՌԴ
Ցանկացա գնալ Կիրանց՝ տեսնելու փշալարերով ցանկապատը․ Բագրատ արքեպիսկոպոս Գալստանյան
Քաղաքականություն
21.06.2024 | 10:51
Ցանկացա գնալ Կիրանց՝ հանդիպելու այնտեղի ժողովրդի հետ, հասկանալու իրավիճակը և գնահատելու՝ ինչ է տեղի ունենում, այս մասին նախքան Երևանից Կիրանց մեկնելը լրագրողների հետ ճեպազրույցում հայտնեց «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը։ Նրա խոսքով՝ ուզում են տեսնել իշխանության կողմից ցուցադրված հայ-ադրբեջանական սահմանի երկայնքով անցկացված փշալարերով ցանկապատը։
«Մինչև օրս նկարված տեսանյութերում, լուսանկարներում այդ փշալարերով ցանկապատը չկա։ Ասում են՝ Ոսկեպարում է, գնանք, տեսնենք մեր աչքերով ու համոզվենք՝ կա, թե չկա»,- հավելեց նա։
Նշենք, որ վարչապետ Փաշինյանի հրաժարականը պահանջող «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանն ասել էր, որ պայքարի վերադասավորման փուլ են մտում, մարզեր են այցելելու, բայց հրապարակը չեն լքելու։
Հիշեցնենք նաև, որ Սյունիք այցելության ժամանակ Փաշինյանը բնակիչներին տեղեկացրել էր, որ Տավուշի մարզի սահմանազատված հատվածներում փշալարե պատնեշներ են կառուցվում։
