08.10.2026 | 14:42
ՄԻՊ-ը Վարդենիսի խնամքի կենտրոնում աշխատանքի շահագործման և այլ խախտումներ է արձանագրել
Կանադան նոր պատժամիջոցներ է սահմանել Նավալնիի մահվան կապակցությամբ
Քաղաքականություն
19.06.2024 | 13:56
Կանադայի իշխանությունները նոր պատժամիջոցներ են սահմանել ռուսաստանցի 13 բարձրաստիճան պաշտոնյաների և գերատեսչությունների, բանտային ծառայության և ոստիկանության աշխատակիցների նկատմամբ, ովքեր «ներգրավված են եղել ընդդիմադիր գործիչ Ալեքսեյ Նավալնիի հետ դաժան վերաբերմունքի և մահվան մեջ»: Այս մասին ասվում է Կանադայի կառավարության կայքում հրապարակված հաղորդագրությունում։
Խոսքը «Նովիչոկ» նյարդային նյութով 2020 թվականին Նավալնիի թունավորման մասին է, որը 2021-ին կալանավորվել էր օդանավակայանում, ազատազրկվել ուղղիչ գաղութում, նրա իրավունքները ոտնահարվել են, «նրա մահվան պատճառները չեն հետաքննվել», իսկ դին ընտանիքին երկար ուշացումով է հանձնվել, պարզաբանվում է փաստաթղթում։
DW-ի ռուսական ծառայության հաղորդմամբ՝ Կանադայի ԱԳՆ-ն մարդու իրավունքների խախտումների հետ կապված հատուկ միջոցների կանոնակարգում 111 հոգու է ներառել։ Հրապարակված 13 ռուսաստանցիների թվում են Դաշնային քրեակատարողական ծառայության չորս ներկայացուցիչներ, երեք դատախազ, երեք դատավոր, երկու քննիչ և ուղղիչ գաղութի ղեկավարը, որտեղ բանտարկված էր Նավալնին: Այդ անձանցից մի քանիսն արդեն ենթարկվել են կանադական պատժամիջոցներին 2023 թվականին։
«Ռուսաստանի հետ կապված պատժամիջոցները սահմանվել են Տնտեսական հատուկ միջոցների մասին օրենքի համաձայն՝ ի պատասխան Ռուսաստանի կողմից Ուկրաինայի ինքնիշխանության և տարածքային ամբողջականության, ինչպես նաև Ռուսաստանում մարդու իրավունքների լուրջ խախտումների»,- ասվում է Կանադայի կառավարության փաստաթղթում։
Դրա դրույթները ներառում են ակտիվների սառեցում և պատժամիջոցների ենթարկված անձանց համար գործարքների արգելք, մասնավորապես, որևէ գույքի հետ գործարքներ կատարելը, նման գործարքների հետ կապված ֆինանսական կամ այլ հարակից ծառայություններ մատուցելը, ցանկացած ապրանք և ֆինանսական կամ հարակից ծառայություններ մատուցելը անձանց, ում նկատմամբ կիրառվել են պատժամիջոցները:
