07.10.2026 | 19:34
«Բրա՛վո»․ Նիկոլ Փաշինյանն ընդդիմադիրների հետ ծափահարեց իր մոտալուտ հրաժարականի մասին դիտարկմանը. ՏԵՍԱՆՅՈՒԹ
Էլինա Ավանեսյանն առաջադիմել է թենիսի WTA դասակարգման աղյուսակում
17.06.2024 | 17:30
Հայկական արմատներով ռուսաստանցի թենիսիստ Էլինա Ավանեսյանը բարելավել է դիրքը WTA-ի դասակարգման աղյուսակում:
«Արմենպրես»-ի հաղորդմամբ` վարկանիշային ցուցակի ընթացիկ շաբաթվա աղյուսակում Էլինա Ավանեսյանը 74-րդ տեղում է և առաջադիմել է 4 հորիզոնականով:
Ավելի վաղ հայտնի էր դարձել, որ Էլինա Ավանեսյանը հանդես կգա Հայաստանի դրոշի ներքո: «Այո, Էլինա Ավանեսյանը հանդես կգա Հայաստանի դրոշի ներքո: Սակայն դեռևս ոչինչ պաշտոնական չէ: Սպասում ենք, որ ստանա Հայաստանի Հանրապետության քաղաքացիություն, որ ամեն ինչ պաշտոնական լինի»,-«Արմենպրես»-ի հետ զրույցում այս մասին ասել էր ՀՀ ԿԳՄՍ նախարարի տեղակալ Կարեն Գիլոյանը:
Էլինա Ավանեսյանը ծնվել է Ռուսաստանի Պյատիգորսկ քաղաքում 2002 թվականին: WTA վարկանիշային աղյուսակում նրա ամենաբարձ տեղը եղել է 60-րդ հորիզոնականը՝ 2024 թվականի փետրվար ամսին: Օրեր առաջ ավարտված Ֆրանսիայի բաց առաջնությունում նա հասել է մինչև 4-րդ շրջան:
