23.11.2024 | 15:05
Դոնալդ Թրամփը հայտարարել է ԱՄՆ-ի ֆինանսների նախարարի պաշտոնի հավանական թեկնածուին
Ո՞վ կգլխավորի ԵՄ-ն առաջիկա հինգ տարիների ընթացքում
Քաղաքականություն
17.06.2024 | 15:21
Հունիսի 17-ին Բրյուսելում բանակցություններ են սկսվում՝ որոշելու, թե ով է ղեկավարելու Եվրամիությունն առաջիկա հինգ տարիներին։ Հանդիպման մասնակիցները պետք է որոշեն Եվրահանձնաժողովի ղեկավարի, Եվրոպական խորհրդի նախագահի ու ԵՄ արտաքին քաղաքականության և անվտանգության գերագույն հանձնակատարի ընտրության հետ կապված հարցերը, գրում է Euronews-ը։
ԵՄ երկրների և կառավարությունների ղեկավարները ստիպված կլինեն հաշվի առնել որոշակի իրողություններ և պահպանել աշխարհագրական, գենդերային և կուսակցական հավասարակշռությունը։
Եվրահանձնաժողովի ղեկավարի պաշտոնի ակնհայտ ֆավորիտը գործող նախագահ Ուրսուլա ֆոն դեր Լեյենն է։ Սակայն որպես իրական հավակնորդներ ճանաչվել են նաև իտալացի Մարիո Դրագին և Հունաստանի վարչապետ Կիրիակոս Միցոտակիսը:
Ֆոն դեր Լեյենի օգտին են խոսում Եվրոպական ժողովրդական կուսակցության՝ Եվրախորհրդարանի ընտրություններում հաղթանակը և այն կայունությունը, որով նա գործում է, կարծում են վերլուծաբանները։
Հինգ տարի առաջ նույն հարցով բանակցությունները տևել են երեք գիշեր։ Այս անգամ ամեն ինչ կարող է շատ ավելի արագ տեղի ունենալ, ասվում է հրապարակման մեջ։
