Մոսկվան, Թեհրանն ու Բաքուն նոր աշխատանքային խումբ կստեղծեն Հյուսիս-Հարավ միջանցքի համար

Լուրեր

21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
Բոլորը

Մոսկվայի, Թեհրանի և Բաքվի ներկայացուցիչները պայմանավորվել են ստեղծել աշխատանքային խումբ Հյուսիս-Հարավ միջազգային տրանսպորտային միջանցքով բեռնափոխադրումների համար և ստուգում իրականացնել սահմանային ու մաքսային տերմինալների ռուս-ադրբեջանական և ադրբեջանա-իրանական սահմաններին: Այս մասին ՏԱՍՍ-ին հայտնել է Իրանում ՌԴ առևտրային առաքելությունում Դաղստանի կառավարության ներկայացուցիչ Անդրեյ Տանաևը, որը ռուսական պատվիրակության կազմում մասնակցել է աշխատանքային խմբի ձևավորմանը նվիրված փորձագետների հանդիպմանը։

«Մենք Դերբենտում փորձագիտական ​​մակարդակով եռակողմ հանդիպում ենք անցկացրել Ռուսաստանի, Ադրբեջանի և Իրանի պատվիրակությունների միջև և ստուգել մաքսային ու սահմանային կետերը, որոնք ներառում են իրանական Աստարան, ադրբեջանական Աստարան, ադրբեջանական հարավային Աստարան, «Տագիրկերտ-Կազմալյարը», «Յարագ-Կազմայլարը»»,- ասել է պաշտոնյան։

Նա նշել  է, որ իրանական կողմի հետ «այս հանդիպման անցկացման պայմանավորվածությունը ձեռք է բերվել 2024 թվականի փետրվարին Թեհրանում անցկացված առևտրատնտեսական համագործակցության ռուս-իրանական միջկառավարական հանձնաժողովի ժամանակ», որը նախագահում էին ՌԴ փոխվարչապետ Ալեքսանդր Նովակը և Իրանի նավթի նախարար Ջավադ Օուջին։

«Ադրբեջանական կողմի հետ պայմանավորվել ենք երկկողմանի»,- ասել է Տանաևը՝ ընդգծելով, որ «եռակողմ հանդիպումից առաջ բանակցություններ են կազմակերպել Ռուսաստանի և Իրանի ներկայացուցիչների միջև, որոնց ընթացքում քննարկվել են ընդհանուր բնույթի հարցեր։

«Յարագ-Կազմալյար անցակետում ամեն ինչ կատարվում է մեկ պատուհանի սկզբունքով․ փաստաթղթերը ներկայացրել են, 30-40 րոպեի ընթացքում պատրաստել են, տվել վարորդին, և նա գնացել է»,- ասել է նա՝ նշելով, որ ստացել է միայն դրական մեկնաբանություններ բեռնատարի վարորդից:

Տանաևն ընդգծել է, որ բեռնափոխադրումների հարցերը լուծելու նպատակով եռակողմ փորձագիտական ​​խմբի հանդիպումն «անցկացվել է վերջին տասը տարվա ընթացքում գրեթե առաջին անգամ»։

Նշենք, որ օրերս ՌԴ նախագահ Վլադիմիր Պուտինը, խոսելով Ադրբեջանի հետ հարաբերությունների մասին, ընդգծել էր, որ երկու երկրների համատեղ աշխատանքի կարևոր ուղղություններից մեկը լոգիստիկան է։

«Շատ բան պետք է արվի լոգիստիկայի զարգացման առումով. սա վերաբերում է ոչ միայն Հյուսիս-Հարավ ճանապարհին, այլև այլ վեկտորներին, լոգիստիկ կենտրոնների կառուցումը, այդ թվում՝ Ռուսաստանի ու Ադրբեջանի սահմանին՝ դաղստանյան հատվածում, արդեն ընթացքի մեջ է»,- նշել էր ՌԴ նախագահը՝ հավելելով, որ Հյուսիս-Հարավը կարող է դառնալ պահանջված միջազգային միջանցք։

Ըստ նրա՝ այդ երթուղին թույլ կտա բեռները հասցնել 10 օր ավելի արագ, քան Սուեզի ջրանցքով։ Պուտինը նաև ասել է, որ նախագծին աջակցում են Ադրբեջանի նախագահը, Իրանի ղեկավարությունը և օտարերկրյա ներդրողները։

Էմմա Չոբանյան