23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Մեծ Բրիտանիան պատերազմո՞ւմ է ՌԴ հետ․ Քիր Սթարմերի արձագանքը
Քաղաքականություն
22.11.2024 | 23:30
Մեծ Բրիտանիայի վարչապետ Քիր Սթարմերն այսօր Բրիստոլում BBC ռադիոկայանի եթերում պատասխանել է ունկնդիրների հարցերին․ նրանցից մեկը հարցրել է, թե արդյոք երկիրը պատերազմի մե՞ջ է Ռուսաստանի հետ:
«Ոչ՛, մենք պատերազմի մեջ չենք, իսկ ահա Ուկրարնան իսկապես պատերազմում է, քանի որ Ուկրաինայի վրա է հարձակվել Ռուսաստանը և այս պատերազմը շարունակվում է արդեն ավելի քան 1000 օր»,- նշել է Սթարմերը։
«Դա ռուսական ագրեսիայի 1000 օր է և Ուկրաինայի համար զոհաբերության 1000 օր, և այդ պատճառով մենք հետևողականորեն ասում ենք, որ աջակցում ենք Ուկրաինային։ Մենք չենք կարող թույլ տալ, որ Պուտինը հաղթի այս պատերազմում»,- շարունակել է նա։
Այն պահից ի վեր, երբ արևմտյան երկրները սկսեցին քննարկել ՌԴ ինքնիշխան տարածքների վրա իրենց մատակարարած զենքերով հարվածների սահմանափակումների մեղմացումը, Ռուսաստանը, փորձելով ազդել նրանց դիրքորոշման վրա, հայտարարեց, որ դա նրանց կդարձնի հակամարտության կողմ:
Հինգշաբթի օրը՝ առաջին նման հարվածներից հետո, Վլադիմիր Պուտինն ասել է, որ հակամարտությունը դարձել է գլոբալ և սպառնացել է հարվածներ հասցնել ՆԱՏՕ-ի երկրների տարածքին։
Թարգմանությունը՝ Տաթև Ֆռանգյանի
