21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
Բաքուն ու Անկարան քննարկել են «կանաչ էներգիայի» նախագիծը
Քաղաքականություն
22.11.2024 | 22:55
Ստամբուլի էներգետիկ ֆորումի շրջանակներում Ադրբեջանի էներգետիկայի նախարար Փարվիզ Շահբազովը հանդիպել է Թուրքիայի էներգետիկայի և բնական պաշարների նախարար Ալփարսլան Բայրաքթարի հետ, գրում են ադրբեջանական լրատվամիջոցները։
Նշվում է, որ նախարարների երկկողմ հանդիպմանը Շահբազովը փոխանցել է իր շնորհավորանքները ֆորումի անցկացման և BOTAŞ ընկերության 50-ամյակի կապակցությամբ, ինչպես նաև շնորհակալություն է հայտնել COP29-ին մասնակցելու համար։ Քննարկվել են էներգետիկ ոլորտում երկկողմ համագործակցության առաջնահերթ խնդիրներն ու ապագա հեռանկարները։ Քննարկվել է Թուրքիա, այնտեղից էլ՝ Եվրոպա «կանաչ էներգիայի» և գազի մատակարարման հետ կապված համատեղ նախագծերի մշակումը։
Մտքեր են փոխանակվել Նախիջևանի շուրջ Թուրքիա-Ադրբեջան կապի նախագծի իրականացման նախագծի, Իգդիր-Նախիջևան գազային խողովակաշարի շինարարության վերջնական փուլի, ինչպես նաև Ադրբեջան-Թուրքիա 4-րդ էներգետիկ ֆորումի անցկացման ներկա կարգավիճակի շուրջ։
Թուրքիայի էներգետիկայի և բնական պաշարների նախարար Ալփարսլան Բայրաքթարի և Բուլղարիայի էներգետիկայի նախարար Վլադիմիր Մալինովի մասնակցությամբ քննարկումներ են ծավալվել գազի ոլորտում եռակողմ համագործակցության զարգացման շուրջ։ Դիտարկվել է բնական գազի՝ որպես անցումային վառելիքի պահանջարկը, գազամատակարարման ոլորտում համագործակցության հնարավորությունների ընդլայնումը։
Այս տարվա 9 ամիսներին Ադրբեջանից Բուլղարիա և եվրոպական այլ երկրներ արտահանվել է ավելի քան 1,4 մլրդ խմ գազ։
«Կանաչ էներգիայի» ոլորտում քառակողմ ձևաչափով քննարկումներ են եղել Ալփարսլան Բայրաքթարի, Վրաստանի առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլիի և Բուլղարիայի էներգետիկայի նախարարի մասնակցությամբ։ Ուշադրության է արժանացել Նախիջևանով «Ադրբեջան-Թուրքիա-Եվրոպա» կանաչ էներգետիկ միջանցքի նախագծի ներկա իրավիճակը։
Գնահատվել է Կասպից ծովից և Կենտրոնական Ասիայից դեպի Եվրոպա վերականգնվող էներգիա մատակարարելու հնարավորությունը Վրաստանի և Թուրքիայի տարածքով տարբեր ուղ23իներով։ Պայմանավորվածություն է ձեռք բերվել համապատասխան քայլեր ձեռնարկել չորս երկրների «կանաչ էներգիայի» համագործակցության ուղղությամբ։
Թարգմանությունը՝ Էմմա Չոբանյանի
