14.10.2026 | 22:58
Ֆրանսիայի ԱԳ նախարարն Ադրբեջանին մեղադրել է ֆրանիսական Նոր Կալեդոնիայի գործերին միջամտելու մեջ․ Բաքուն արձագանքել է
ՀՀ ոստիկանության կրթահամալիրի քոլեջի սաները դիպլոմներ ու կրծքանշաններ են ստացել
30.08.2018 | 21:52
Օգոստոսի 30-ին տեղի ունեցավ ՀՀ ոստիկանության կրթահամալիրի քոլեջի միջին մասնագիտական կրթության ֆակուլտետի 2017-2018 թթ. շրջանավարտներին դիպլոմների հանձնման հանդիսավոր արարողությունը, որին մասնակցում էին ոստիկանության պետ Վալերիյ Օսիպյանը, Կրթության և գիտության նախարար Արայիկ Հարությունյանը և այլ պաշտոնատար անձինք:
Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, հանդիսության մասնակիցները ծաղիկներ խոնարհեցին երկրի սահմանների պաշտպանության ժամանակ և ծառայողական պարտականությունները կատարելիս զոհված ոստիկանների հուշակոթողին:
Շրջանավարտներին դիպլոմների և կրծքանշաններ հանձնելու ու ոստիկանության լեյտենանտի կոչումների շնորհման հանդիսավոր արարողությունից հետո նրանց ողջույնի խոսք ասաց ոստիկանության պետ Վալերիյ Օսիպյանը:
Ոստիկանության քոլեջի շրջանավարտներին շնորհավորանքի խոսքով դիմեց ՀՀ կրթության և գիտության Արայիկ Հարությունյանը:
Դիպլոմների հանձնման արարողությունն ավարտվեց շրջանավարտների հանդիսավոր երթով:
