30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԱՄՆ-ն ու Ուկրաինան այսօր անվտանգության համաձայնագիր կստորագրեն
Քաղաքականություն
13.06.2024 | 11:08
ԱՄՆ-ի և Ուկրաինայի նախագահներ Ջո Բայդենն ու Վլադիմիր Զելենսկին հինգշաբթի համաձայնագիր կստորագրեն, որով ԱՄՆ-ը պարտավորվում է երկարաժամկետ հեռանկարում, ինչպես պատերազմի ընթացքում, այնպես էլ դրանից հետո աջակցել Ուկրաինայի անվտանգությանը։
Սպիտակ տան ազգային անվտանգության հարցերով խորհրդական Ջեյք Սալիվանն այս մասին լրագրողներին ասել է G7-ի գագաթնաժողովի մեկնելիս ինքնաթիռում։ Հունիսի 13-15-ը կայանալիք գագաթնաժողովին ներկա կլինի նաև Ուկրաինայի նախագահը։
G7-ի երկրի համար Ուկրաինայի հետ անվտանգության համաձայնագրեր ստորագրելու պարտավորությունը տրվել է անցած տարի ՆԱՏՕ-ի գագաթնաժողովի ժամանակ առանձին կոմյունիկեում։ Այլ պետություններ նույնպես միացել են այս պարտավորությանը, մինչ օրս 15 երկրներ համաձայնագրեր են ստորագրել Կիևի հետ։
Յոթնյակի խումբը կամ «Մեծ յոթնյակը» ներառում է զարգացած տնտեսություններ ունեցող ամենախոշոր ժողովրդավարական երկրները՝ ԱՄՆ, Գերմանիա, Ճապոնիա, Մեծ Բրիտանիա, Ֆրանսիա, Իտալիա և Կանադա:
