30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ստոլտենբերգը մեկնում է Հունգարիա՝ Ուկրաինայի հարցով բանակցությունների
Քաղաքականություն
12.06.2024 | 13:45
ՆԱՏՕ-ի գլխավոր քարտուղար Յենս Ստոլտենբերգը հունիսի 12-ին Բուդապեշտ կատարելիք այցի ընթացքում բանակցություններ կվարի վարչապետ Վիկտոր Օրբանի հետ, գրում է Bloomberg-ը։
«Ես գիտեմ, որ Հունգարիան մտահոգություններ ունի: Ես դա կքննարկեմ Օրբանի հետ»,- ասել է Ստոլտենբերգը Ռիգայում Բուխարեստի իննյակի տարածաշրջանային առաջնորդների հետ հանդիպումից հետո:
ՆԱՏՕ-ի գլխավոր քարտուղարը հարցազրույցում ասել է, որ «փոխզիջում կփնտրի»:
Ռիգայում ՆԱՏՕ-ի արևելյան թևի ինը երկրներին միավորող Բուխարեստի իննյակի (B9) գագաթնաժողովում հնարավոր չի եղել համաձայնության գալ համատեղ հայտարարության շուրջ և կոնսենսուսի հասնել Դաշինքի ղեկավար Յենս Ստոլտենբերգի իրավահաջորդի հարցում: B9-ի գագաթնաժողովի արդյունքների բացակայության պատճառ է հանդիսացել Հունգարիայի՝ ՆԱՏՕ-ի գլխավոր քարտուղարի պաշտոնում Նիդերլանդների վարչապետ Մարկ Ռյուտեի թեկնածությունն ընդունելու դժկամությունը, ինչպես նաև Ռուսաստանի ագրեսիայի հետ կապված Ուկրաինային աջակցելու հարցերը։
Հիշեցնենք, որ Հունգարիայի գործողությունները, որոնք ուղղված են Ուկրաինային օգնություն տրամադրելու արգելափակմանը, ավելի ու ավելի մեծ վրդովմունք են առաջացնում ԵՄ անդամների մոտ։ Այժմ Հունգարիայի ներկայացուցիչներն արգելափակում են Ուկրաինային 6,5 միլիարդ եվրոյի հրատապ ռազմական օգնության տրամադրումը, և այդ գործողությունների արդյունքում ԵՄ-ն դեռևս չի կարող հաստատել Ուկրաինային զենք տրամադրելու համար անհրաժեշտ առնվազն յոթ փաստաթուղթ։
