24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Լեհաստանում զենքի գործարանում, որն արտադրանք է մատակարարում ՆԱՏՕ-ի զորքերին, պայթյուն է որոտացել
Քաղաքականություն
10.06.2024 | 20:35
Լեհաստանի հարավ-արևելքում գտնվող «Մեսկո» զենքի գործարանում պայթյուն է տեղի ունեցել, որի հետևանքով մեկ աշխատակից է մահացել, ևս մեկը՝ վիրավորվել։ Այս մասին հայտնում է Current Time-ը՝ վկայակոչելով գործարանի տնօրեն Էլզբիետա Սրենյավսկային։
Նրա խոսքով՝ պայթյունը տեղի է ունեցել հրթիռային վառելիքի կենտրոնում, որը շահագործման է հանձնվել մի քանի տարի առաջ։ Այդ պահին ներսում երկու մարդ է եղել, որոնցից մեկը մահացել է։ Տուժածը տեղափոխվել է հիվանդանոց, նրա կյանքին վտանգ չի սպառնում։ Հրդեհն արդեն մարվել է։
Ձեռնարկության տնօրենն ասել է, որ ղեկավարությունը հետաքննում է միջադեպի պատճառները, այդ նպատակով ստեղծվել է հատուկ խումբ։
«Մեսկո» գործարանը պաշտպանական արտադրանք է արտադրում ավելի քան հարյուր տարի: Գործունեության հիմնական ոլորտը պետության կարիքների համար զենքի արտադրությունն է։
«Ընկերությունը նաև հանդիսանում է ՆԱՏՕ-ի զորքերի արտադրանքի ճանաչված մատակարար։ Գործարանն ունի հրթիռների և զինամթերքի արտադրության ժամանակակից տեխնոլոգիաներ»,- տեղեկանում ենք ընկերության կայքից:
