30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Նեթանյահուն զգուշացրել է՝ պատրաստ են «չափազանց հզոր» պատասխան տալ «Հըզբոլլահ»-ի հարձակումներին
Քաղաքականություն
05.06.2024 | 21:40
Իսրայելի վարչապետ Բենիամին Նեթանյահուն հայտարարել է, որ իսրայելական բանակը պատրաստ է «չափազանց հզոր» պատասխան տալ Լիբանանից «Հըզբոլլահ»-ի հարձակումներին, որոնց թիվը վերջին օրերին մեծապես ավելացել է, գրում է The Times of Israel-ը։
«Եթե ինչ-որ մեկը կարծում է, որ կարող է մեզ վնաս պատճառել, իսկ մենք ձեռքներս ծալած կնստենք, չարաչար սխալվում է»,- ասել է Նեթանյահուն Լիբանանի հետ սահմանին գտնվող Քիրյաթ Շմոնա քաղաք այցի ժամանակ։
Նրա մեկնաբանությունները հնչել են այն բանից հետո, երբ Իսրայելի պաշտպանության ուժերի շտաբի պետ, գեներալ-լեյտենանտ Հերզի Հալևին երեքշաբթի ասել է, որ Իսրայելը մոտ է որոշում կայացնելուն, թե ինչպես պետք է անդրադառնա «Հըզբոլլահ»-ի ամենօրյա հարձակումներին, որոնք, ըստ ահաբեկչական խմբավորման, Գազայում պաղեստինցիներին աջակցելու համար են Իսրայելի կողմից շարունակվող պատերազմի պայմաններում:
