22.06.2026 | 13:44
Իրանի ֆուտբոլի հավաքականը հանդերձարանում շնորհակալական նամակ է թողել Աշխարհի առաջնությունը հյուրընկալող Լոս Անջելեսին
ԱՄՆ-ը պատժամիջոցներ է սահմանել իրանական ԱԹՍ արտադրողների դեմ
Քաղաքականություն
04.06.2024 | 14:11
ԱՄՆ-ը պատժամիջոցներ է սահմանել իրանական չորս կազմակերպությունների և մեկ անձի նկատմամբ, որոնք կապված են անօդաչու թռչող սարքերի (ԱԹՍ) մշակման, արտադրության և բաշխման հետ։ VOA-ի փոխանցմամբ՝ այս մասին հայտնում է ԱՄՆ Պետքարտուղարությունը։
Ըստ գերատեսչության՝ Իրանն այդ զենքերը մատակարարում է Ռուսաստանին, ինչպես նաև իր վերահսկողության տակ գտնվող ուժերին և գործընկերներին՝ հակամարտությունները երկարացնելու և տարածաշրջանը ապակայունացնելու համար։
«Այս որոշումներն ընդունվել են իրանական անօդաչու թռչող սարքերի արդյունաբերության մեջ ներգրավված ֆիզիկական անձանց և կազմակերպությունների նկատմամբ Եվրամիության պատժամիջոցների հետ միաժամանակ»,- ասել է Պետքարտուղարության խոսնակ Մեթյու Միլլերը:
ԱՄՆ պատժամիջոցների տակ են հայտնվել նախկինում պատժամիջոցների ցանկում ընդգրկված Ռայան Ռոշդ Աֆզար ընկերության հետ կապված չորս իրավաբանական անձինք։
Պատժամիջոցներ են սահմանվել նաև Իրանի ավիացիոն արդյունաբերության կազմակերպության ղեկավարի նկատմամբ, որը Իրանի պաշտպանության նախարարության ձեռնարկությունն է և վերահսկում է անօդաչու սարքերի արտադրությունը։
