01.11.2024 | 18:26
Թուրքիան ՌԴ-ից ներկրվող բնական գազի համար հատուկ գին է ցանկանում ստանալ
Էրդողանը հայտարարել է, որ Անկարան ողջունում է Հայաստան-Ադրբեջան բանակցություններում առաջընթացը
Քաղաքականություն
04.06.2024 | 11:55
Պաշտոնական Անկարան ողջունում է Հայաստանի և Ադրբեջանի միջև խաղաղության բանակցություններում առաջընթացը և հուսով է, որ խաղաղության համաձայնագիրը շուտով կստորագրվի։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Բաքվի էներգետիկ շաբաթվա բացման արարողության մասնակիցներին ուղղված ուղերձում, որն ընթերցել է Թուրքիայի էներգետիկայի և բնական պաշարների նախարար Ալփարսլան Բայրաքթարը, գրում են ադրբեջանական լրատվամիջոցները։
Ուղերձում նշվում է, որ Անկարան ողջունում է Ադրբեջանի և Հայաստանի միջև վերջին դրական իրադարձությունները և խաղաղության համաձայնագրի ստորագրումը համարում է պատմական հնարավորություն տարածաշրջանի ապագայի համար։
Էրդողանը նաև ասել է, որ Հարավային Կովկասում խաղաղության և կայունության հաստատման ուղղությամբ աշխատանքները շարունակվում են։
Ըստ Թուրքիայի նախագահի՝ Բաքվի և Անկարայի միջև կապերն ամուր են բոլոր ոլորտներում, այդ թվում՝ էներգետիկայի, և որ Ադրբեջանի տարածքով թուրքմենական բնական գազի՝ Թուրքիա մատակարարումների մեկնարկը ժամանակի հարց է։
