07.10.2026 | 23:48
Արթուր Դանիելյանը կալանավորվեց
Ռուսական զորքերը հարվածել են Դնեպրին. վիրավորներ և ավերածություններ կան
Քաղաքականություն
04.06.2024 | 13:00
Ռուսական զորքերը հունիսի 4-ի առավոտյան հարվածել են Դնեպրին, կան վիրավորներ և ավերածություններ, հայտնում են տեղի իշխանությունները։ Դնեպրոպետրովսկի շրջանային վարչակազմի ղեկավար Սերգեյ Լիսակը պնդում է, որ ռուսական բանակի արձակած երկու հրթիռները խոցվել են, իսկ բեկորները վնասել են «քաղաքացիական ենթակառուցվածքը», հրդեհ է բռնկվել, փոխանցում է Current Time-ը։
Պաշտոնյայի խոսքով՝ պայթյունների և բեկորների անկման հետևանքով մի քանի մարդ վիրավորվել է, նրանցից երկուսը միջին ծանրության վնասվածքներով հիվանդանոց են տեղափոխվել։
«Վիրավորվել են տեղի բնակիչներ, նրանց թվում կան երեխաներ։ Մեկ ամսական վիրավոր տղայի վիճակը բավարար է, ամբուլատոր բուժում է ստանում։ 17-ամյա տղան հիվանդանոցում է, նրա վիճակը միջին ծանրության է։ Տուժել են նաև 68-ամյա տղամարդ և երեք կին՝ 32, 36 և 56 տարեկան»,- մանրամասնել է Լիսակը։
Ավելի ուշ հայտնի է դարձել ևս մեկ վիրավորի մասին․ 37-ամյա տղամարդը հոսպիտալացվել է։
Վնասվել են նաև մի քանի տասնյակ ավտոմեքենաներ, կոտրվել են մասնավոր տների, բազմահարկ շենքերի ու հիվանդանոցի ապակիներ, հավելել է Լիսակը։
