07.10.2026 | 13:16
Վարդաձորի դպրոցում միջադեպը կուսումնասիրեն, ուսուցչուհուն կարող են զրկել մանկավարժական գործունեության իրավունքից
«Տավուշը հանուն հայրենիքի» շարժումը պնդում է՝ քաղաքացուն արնաշաղախ վիճակում բերման են ենթարկել ոստիկանություն
Հասարակություն
27.05.2024 | 16:31
«Տավուշը հանուն հայրենիքի» շարժումը ֆեյսբուքյան էջում հայտնել է, որ ազդանշան տվող քաղաքացուն բերատավորները դուրս են քաշել մեքենայից և գետնին գցած բազմաթիվ հարվածներ հասցրել։ Ըստ հաղորդագրության՝ «քաղաքացուն արնաշաղախ վիճակում բերման են ենթարկել ոստիկանություն, որտեղ փորձել են կոծկել իրենց ծառայակիցների հերթական բռնության դեպքը»։
«Ինքնազգացողությունը վատանալու պատճառով իրավապահները ստիպված են եղել շտապ օգնության անձնակազմ հրավիրել, որն էլ նրան անհապաղ տեղափոխել է թիվ 1 կլինիկական հիվանդանոց»,- նշված է գրառման մեջ, որին կից լուսանկարներ են հրապարակվել։
«Հայաստան» խմբակցության պատգամավոր Գեղամ Մանուկյանն էլ իր ֆեյսբուքայան էջում տեղեկացրել էր, որ «անհնազանդության ակցիաների ժամանակ բերման ենթարկված երիտասարդներից մեկի գլխին բժիշկները մի քանի կար են դրել»։
Դեպքի վերաբերյալ ՆԳՆ ոստիկանության բաժնից Factor.am-ին փոխանցեցին, որ տեղեկություններ չունեն հայտնելու։ Թիվ 1 կլինիկական հիվանդանոցից ևս մեզ չհաջողվեց տեղեկություն ստանալ։
Մանյա Պողոսյան
