30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իսրայելական զորքերն առաջ են շարժվում դեպի Ռաֆահի կենտրոն, ևս 3 պատանդի դի է հայտնաբերվել
Քաղաքականություն
24.05.2024 | 17:53
Իսրայելի պաշտպանության բանակի պաշտոնյաները պնդում են, որ Գազայի հատվածում գործողություններն իրականացվում են «թիրախային և նպատակային կերպով»։ Իսրայելի պաշտպանության բանակը նաև հայտնել է, որ հայտնաբերել է հոկտեմբերի 7-ին ՀԱՄԱՍ-ի ահաբեկչության ժամանակ սպանված ևս 3 պատանդի մարմին, փոխանցում է Euronews-ը:
Խոսքը Ֆրանսիայի քաղաքացիություն ունեցող 30-ամյա Օրիոն Էրնանդես Ռադուի, 42-ամյա Հանան Յաբլոնկայի և 59-ամյա Միշել Նիզենբաումի մասին է։
Էրնանդես-Ռադուն պատանդ Շանի Լուքի ընկերն էր, ում մարմինը հայտնաբերել էին օրեր առաջ, և նրա առևանգման տեսագրությունները տարածվել էին ամբողջ աշխարհում:
Իսրայելի պաշտպանության բանակը հայտնել է, որ երեք պատանդների մարմինները հայտնաբերվել են վերջին օրերին ստացված «ճշգրիտ հետախուզության» վերլուծությունից հետո: Այն բանից հետո, երբ դիերը նույնականացվել են դատաբժշկական փորձաքննության միջոցով, զինվորական պաշտոնյաները տեղեկացրել են նրանց ընտանիքներին, հավելել են Իսրայելի պաշտպանության բանակը:
Իսրայելի պաշտոնյաներն ասում են, որ զորքերն առաջ են շարժվում դեպի Ռաֆահ քաղաքի կենտրոն, մինչդեռ առանձին գործողությունները շարունակում են այլ շրջաններում և ծայրամասերում: Պաշտպանության բանակի ներկայացուցիչը հայտնել է, որ զինվորականները «ճշգրիտ և նպատակային» գործողություններ են իրականացնում՝ քաղաքացիական բնակչության շրջանում զոհերից խուսափելու համար:
Իսրայելական կողմի տվյալներով՝ Ռաֆահից արդեն տարհանվել է ավելի քան մեկ միլիոն մարդ։
