22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Բելառուսում Լիտվայի քաղաքացուն մեղադրել են «լրտեսական գործունեության» մեջ
Քաղաքականություն
23.05.2024 | 21:26
Բելառուսում Լիտվայի քաղաքացի Ելենա Ռոմանաուսկիենեին դատելու են «լրտեսության գործունեության» մեղադրանքով (Քրեական օրենսգրքի 358-1 հոդված): «Նաշա Նիվան» ուշադրություն է հրավիրել Մինսկի քաղաքային դատարանի ժամանակացույցում նշված գործի վրա։
Ռոմանաուսկիենեի գործով դատավարությունը կսկսվի հունիսի 3-ին, նիստերը կանցկացվեն դռնփակ։ Նրան սպառնում է 3-ից 7 տարի ժամկետով ազատազրկում։
Լիտվայի ԱԳՆ ներկայացուցիչ Պաուլինա Լևիցկիտեն նշել է, որ Ռոմանաուսկիենեին հյուպատոսական օգնություն են ցուցաբերում։
«Մենք հիմք չունենք ենթադրելու, որ մեղադրանքները համապատասխանում են իրականությանը։ Նախարարությունը կրկին խորհուրդ է տալիս չմեկնել Բելառուս, քանի որ Լիտվայի քաղաքացիները կարող են ապօրինի ձերբակալվել, շինծու մեղադրանքների ենթարկվել և հարցաքննվել բելառուսական անվտանգության ուժերի կողմից»,- նրա խոսքերն է մեջբերում Delfi-ն։
Դեռևս 2021 թվականին Լիտվայի ԱԳՆ-ն խորհուրդ էր տվել իր քաղաքացիներին չմեկնել Բելառուս, իսկ այնտեղ գտնվող քաղաքացիներին՝ հեռանալ։ Դա արվել էր այն բանից հետո, երբ Բելառուսի իշխանությունները Աթենքից Վիլնյուս թռչող Ryanair ինքնաթիռի օդաչուներին ստիպել էին շեղվել երթուղուց և վայրէջք կատարել Մինսկի օդանավակայանում։ Երբ ինքնաթիռը վայրէջք էր կատարել, անվտանգության ուժերը ձերբակալել էին ինքնաթիռում գտնվող Ռոման Պրոտասևիչին և նրա ընկերուհուն։
