07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Խաղաղության պայմանագիրը պատմական հնարավորություն է տարածաշրջանի համար. Էրդողան
Քաղաքականություն
16.05.2024 | 23:39
Հայաստանի և Ադրբեջանի միջև ստորագրվելիք խաղաղության պայմանագիրը պատմական հնարավորություն է տարածաշրջանի համար: Ադրբեջանական լրատվամիջոցների փոխանցմամբ՝ այս մասին հայտարարել է Թուրքիայի նախագահ Ռեջեփ Թայիփ Էրդողանը պաշտոնական այցով Թուրքիայում գտնվող Վրաստանի վարչապետ Իրակլի Կոբախիձեի հետ համատեղ մամուլի ասուլիսի ժամանակ:
Ռեջեփ Թայիփ Էրդողանը նշել է, որ կողմերը մտքեր են փոխանակել երկու երկրների հարաբերություններին, միջազգային և տարածաշրջանային խնդիրներին, ինչպես նաև տարածաշրջանում տեղի ունեցող վերջին զարգացումներին առնչվող հարցերի շուրջ և ընդգծել, որ Թուրքիան վճռական աջակցություն է ցուցաբերում Վրաստանին:
Իր հերթին վարչապետ Իրակլի Կոբախիձեն ասել է, որ Վրաստանի և Թուրքիայի միջև սերտ հարաբերություններն առանձնահատուկ նշանակություն ունեն և ընդգծել, որ Թուրքիան Վրաստանի հիմնական առևտրային գործընկերն է:
Կոբախիձեն ընդգծել է, որ Վրաստանը միշտ աջակցել է խաղաղությանը Հարավային Կովկասում և Հայաստանի ու Ադրբեջանի միջև ստորագրվելիք խաղաղության համաձայնագիրը տարածաշրջանի զարգացման կարևոր փուլ անվանել:
