01.05.2026 | 23:26
Հարյուր հազարավոր մարդիկ Գերմանիայում մայիսմեկյան ցույցերի են դուրս եկել
Ադրբեջանում անհետացած ընդդիմադիր կուսակցության անդամին մահացած են հայտնաբերել
Քաղաքականություն
15.05.2024 | 14:41
Ադրբեջանում ընդդիմադիր «Մուսավաթ» կուսակցության անդամ Նաթիգ Մեհթիին, որը մայիսի 10-ից անհետացել էր, մահացած են հայտնաբերել։ Ադրբեջանական լրատվամիջոցները գրում են, որ Մեհթին աշխատել է Բաքվի Խաթայի շրջանի դպրոցներից մեկում որպես պահակ և սպանվել է գործընկերոջ՝ Էլսևյար Իսլամովի կողմից։
Գլխավոր դատախազությունն ու ՆԳՆ-ն դեպքի առթիվ համատեղ հայտարարությամբ նշել են, որ օպերատիվ քննչական ու որոնողական աշխատանքների արդյունքում հայտնաբերվել են կասկածներ, որ Մեհթիի գործընկեր Էլսևյար Իսլամովը նրան սպանել է անձնական կոնֆլիկտի ժամանակ, հետո մարմինը թաղել Խազարի շրջանում։
Փաստի հիման վրա քրեական գործ է հարուցվել, Իսլամովը կալանավորվել է։
Նշենք, որ մայիսի 14-ին «Մուսավաթ» կուսակցության մամուլի ծառայությունը հայտնել էր Մեհթիի անհետացման մասին։ Նշվում էր, որ նա անհետացել է իր ավտոմեքենայի հետ։
Նաթիգ Մեհթին «Մուսավաթ» կուսակցության Սաբայիլի շրջանային կազմակերպության փոխնախագահն էր։ Ապրիլին նա առաջադրել էր իր թեկնածությունը «Մուսավաթ»-ի ղեկավարի պաշտոնում կուսակցության առաջիկա համագումարում, սակայն Իսա Ղամբարի առաջադրումից հետո հանել էր իր թեկնածությունը։
Էմմա Չոբանյան
