30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ձերբակալվել է ՌԴ ՊՆ կադրերի բաժնի ղեկավարը
Քաղաքականություն
14.05.2024 | 11:49
Քրեական հանցագործության կասկածանքով ձերբակալվել է ՌԴ Պաշտպանության նախարարության կադրերի գլխավոր բաժնի պետ, գեներալ-լեյտենանտ Յուրի Կուզնեցովը։ Այս մասին հայտնում է ՏԱՍՍ-ը՝ վկայակոչելով իրավապահ մարմիններում իր աղբյուրին, փոխանցում է Meduza-ն։
Թե կոնկրետ ի՞նչ հանցանքի համար է մեղադրվում ռուս գեներալը, հայտնի չէ։ ՏԱՍՍ-ի զրուցակիցը միայն ասել է, որ քրեական գործի հետաքննությամբ զբաղվում է Քննչական կոմիտեի զինվորական քննչական գլխավոր վարչությունը, և քննիչն արդեն դիմել է դատարան՝ գեներալի նկատմամբ խափանման միջոց ընտրելու համար։ Խուզարկություններ են կատարվել Կուզնեցովի տանը և աշխատավայրում։
Ավելի վաղ Կուզնեցովի ձերբակալման մասին հայտնել էին նաև իշխանամետ տելեգրամ ալիքները։ Մասնավորապես, «Рыбарь»-ը գրել էր, որ քննության ուշադրությունը գրավել է գեներալի նախկին աշխատանքը՝ «որպես պետական գաղտնիքների պաշտպանության ծառայության ղեկավար»։
2024 թվականի ապրիլի վերջին էլ Մոսկվայում ձերբակալվել է ՌԴ ՊՆ փոխնախարար փոխնախարար Տիմուր Իվանովը, որը վերահսկում էր ռազմարդյունաբերական համալիրը։ Գեներալին մեղադրանք է առաջադրվել առանձնապես խոշոր չափերով՝ ավելի քան մեկ միլիարդ ռուբլի կաշառք ստանալու մեջ։
