07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Թբիլիսիում 20 մարդ, այդ թվում՝ երեք օտարերկրացի է ձերբակալվել խորհրդարանի շենքի մոտ բողոքի ցույցի ընթացքում
Քաղաքականություն
13.05.2024 | 12:25
Վրաստանի ՆԳՆ-ն հայտնել է, որ երեկ երեկոյան խորհրդարանի շենքի մոտ «օտարերկրյա գործակալների մասին» օրինագծի դեմ բողոքի ակցիայի ժամանակ ձերբակալվել է 20 մարդ, այդ թվում՝ երեք օտարերկրյա քաղաքացի։ Նշվում է, որ ձերբակալությունները կատարվել են վարչական իրավախախտումների համար՝ մանր խուլիգանության և ոստիկանության օրինական հրամանը չկատարելու մեղադրանքով:
ՆԳՆ-ի տվյալներով՝ իրավապահները բազմիցս կոչ են արել ցուցարարներին լքել խորհրդարանի շենքի հարակից տարածքը, սակայն «հանրահավաքի որոշ մասնակիցներ չեն կատարել ոստիկանության օրինական պահանջը, խախտել են հասարակական կարգը, դիմադրել իրավապահներին և վիրավորել նրանց»։
Նշվում է նաև, որ ձերբակալվածների շրջանում կա երեք օտարերկրացի՝ ՌԴ քաղաքացի 22-ամյա Գ․Բ․-ն, ԱՄՆ-ից 29-ամյա Պ․Խ․-ն ու ԱՄՆ-ի ևս մեկ քաղաքացի, որը հրաժարվել է իր ինքնությունը հայտնել և խնդրել է, որ իր հետ կապ հաստատեն Միացյալ Նահանգների դեսպանատնից։
«Միացյալ Նահանգների և Շվեյցարիայի Համադաշնության (որը ներկայացնում է Վրաստանում Ռուսաստանի շահերը) դեսպանություններն արդեն տեղեկացվել են այդ անձանց ձերբակալման մասին»,- ասվում է ՆԳՆ հայտարարության մեջ։
