30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Կիևում Զելենսկիի և Մեցոլայի համատեղ ասուլիսն ընդհատվել է օդային տագնապի պատճառով
Քաղաքականություն
09.05.2024 | 18:19
Ուկրաինայի նախագահ Վլադիմիր Զելենսկիի և Եվրախորհրդարանի ղեկավար Ռոբերտա Մեցոլայի մամուլի ասուլիսը Կիևում ստիպված են եղել ընդհատել օդային հարձակման տագնապի պատճառով։ Զելենսկին և Մեցոլան նախագահականի բակում զրուցել են լրագրողների հետ, երբ տագնապը հնչել է։ Ուկրաինայի նախագահը Մեցոլային հարցրել է, թե ինչ զգացմունքներ ունի, նա պատասխանել է, որ անհանգստացած է, գրում է Ուկրինֆորմը։
«Եվ սա մայիսի 9-ն է։ Սա է նրանց իրական վերաբերմունքը նացիզմի դեմ պայքարին։ Սա է նրանց իրականությունը, սա այն է, ինչ կա»,- ասել է Զելենսկին։
Ուկրաինայի մեծ մասում, այդ թվում՝ Կիևում, օդային տագնապ է հայտարարվել: Երկրի ԶՈՒ ռազմաօդային ուժերը տագնապը բացատրել են ռուսական մարտավարական ավիացիայի ակտիվությամբ և հյուսիսարևելյան ուղղությամբ բալիստիկ հրթիռների կիրառման սպառնալիքով։
Ուկրաինացի զինվորականները հայտնել են նաև Սև ծովից Նիկոլաևի շրջանի ուղղությամբ հրթիռների արձակման մասին։
