09.09.2026 | 22:51
«Tour of Armenia»-ն առաջին անգամ Հայաստանում․ սեպտեմբերի 10-ից ճանապարհներին սահմանափակումներ կլինեն
Ուկրաինան ողջունել է հայ-ադրբեջանական սահմանի սահմանազատումը
Քաղաքականություն
30.04.2024 | 23:54
Ուկրաինայի արտաքին գործերի նախարարությունը ողջունում է 1991 թվականի Ալմա-Աթայի հռչակագրի հիման վրա Ադրբեջանի և Հայաստանի միջև սահմանազատման սկիզբը՝ այն դիտարկելով որպես հարաբերությունների կարգավորման և տարածաշրջանային կայունության ու անվտանգության ապահովման նախապայման:
«Ուկրաինայի արտաքին գործերի նախարարությունը ողջունում է Ադրբեջանի և Հայաստանի միջև 1991թ.Ալմա-Աթայի հռչակագրի հիման վրա միջպետական սահմանի դելիմիտացիայի վերաբերյալ ձեռք բերված պայմանավորվածությունները: Ադրբեջանի և Հայաստանի միջև սահմանի սահմանազատումը պետական ինքնիշխանության հարգման, տարածքային ամբողջականության և սահմանների անձեռնմխելիության ճանաչման, հակասությունների խաղաղ կարգավորման, ուժի կիրառումից կամ սպառնալիքից հրաժարվելու հիման վրա անհրաժեշտ պայման է երկրների միջև հարաբերությունների կարգավորման և կայունության ապահովման համար»,- ասված է հայտարարության մեջ:
Հիշեցնենք՝ Հայաստանի Հանրապետության և Ադրբեջանի Հանրապետության սահմանին գեոդեզիական չափումների հիման վրա՝ կոորդինատների ճշգրտման աշխատանքների շրջանակներում, 2024 թվականի ապրիլի 29-ի դրությամբ իրականցվել է նախատեսված աշխատանքների կեսից ավելին՝ տեղադրվել է 35 սահմանային սյուն։ Երկու երկրների փորձագիտական խմբերի աշխատանքները շարունակվում են։
