24.06.2026 | 18:23
AI լուծումներ, աշխարհագրության ընդլայնում և շատ ավելին. Eventhub-ի նոր հնարավորություններն ու առաջարկները
Բլինքենը Չինաստանին նոր պատժամիջոցներով է սպառնացել՝ ՌԴ-ին օգնելու դեպքում
Քաղաքականություն
26.04.2024 | 22:03
ԱՄՆ-ը Չինաստանին կոչ է արել զերծ մնալ ռազմական ոլորտում Ռուսաստանի Դաշնության հետ համագործակցությունից, քանի որ Վաշինգտոնը կարող է խստացնել Պեկինի դեմ պատժամիջոցները։ Այս մասին Չինաստանի առաջնորդ Սի Ցզինպինի հետ հանդիպումից հետո հայտարարել է ԱՄՆ պետքարտուղար Էնթոնի Բլինքենը, հաղորդում է NBC News-ը։
Պեկին Բլինքենի այցի հիմնական նպատակը Չինաստանին զգուշացնելն էր, որ չաջակցի Ուկրաինայի դեմ Ռուսաստանի պատերազմին։
Պետքարտուղարն այցի ընթացքում ասել է, որ Չինաստանը ՌԴ-ին մատակարարում է երկակի նշանակության ապրանքներ, ինչպիսիք են հաստոցներ և միկրոէլեկտրոնիկա, ինչը նրան դարձնում է Ռուսաստանի պաշտպանական արդյունաբերական բազայի ամենամեծ մատակարարը։
«Ռուսաստանի համար դժվար կլինի պահպանել իր ներխուժումն Ուկրաինա առանց Չինաստանի աջակցության»,- ասել է Բլինքենը։
Նա նաև նշել է Չինաստանի դեմ ԱՄՆ պատժամիջոցների ընդլայնման հնարավորության մասին՝ Ռուսաստանին օգնելու համար։
«Միացյալ Նահանգներն արդեն հարյուրից ավելի չինական կազմակերպությունների դեմ պատժամիջոցներ է սահմանել, արտահանման հսկողություն և այլն: Եվ մենք լիովին պատրաստ ենք գործելու, լրացուցիչ միջոցներ ձեռնարկելու, և ես դա շատ պարզ ասացի իմ այսօրվա հանդիպումներում»,- հավելել է ամերիկացի պաշտոնյան:
