07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
Արևմուտքում չկան քաղաքական գործիչներ, որոնց հետ կցանկանայի երկխոսել․ Ասադ
Քաղաքականություն
21.04.2024 | 17:06
Սիրիայի նախագահ Բաշար ալ-Ասադը ՌԴ Առաջին ալիքի «Գլոբալ մեծամասնություն» ծրագրին տված հարցազրույցում ասել է, որ Արևմուտքում չկա որևէ քաղաքական գործիչ, ում հետ կցանկանար երկխոսություն վարել․ փոխանցում է ՌԻԱ Նովոստի-ն։
Ըստ Սիրիայի առաջնորդի՝ Արևմուտքում չի մնացել մի քաղաքական գործիչ, ում կարելի է անվանել պետական գործիչ՝ սկսած Ռեյգանի և Թեթչերի ժամանակներից, նրանք անհետացել են։
«Ժամանակակից քաղաքական գործիչներն այլևս ռազմավարական չեն մտածում, նրանք լուծում են իրենց առաջ դրված ընթացիկ խնդիրները, նրանք այլևս պատասխանատվություն չեն կրում իրենց խոսքերի համար»,- ասել է Ասադը։
Նա նշել է, որ անցյալ դարի 80-ականներից ի վեր արևմտյան աշխարհում քաղաքական լանդշաֆտը շատ է փոխվել, կապիտալիզմը սկսել է թելադրել դրա պայմանները, երկրները վերածվել են կորպորացիաների, իսկ երկրների ղեկավարները՝ կորպորացիաների ղեկավարների։
