23.11.2024 | 19:00
Այսօր չկան կիրթ մեկենասներ, հայ կոմպոզիտորները ճանաչելի չեն դրսում, պետությունը մեծ անելիք ունի. Սաթյան. ՏԵՍԱՆՅՈՒԹ
Ստավրոպոլում ռուսական բանակը վարկաբեկելու համար Ադրբեջանի քաղաքացու են տուգանել
Քաղաքականություն
16.04.2024 | 17:52
ՌԴ Բուդյոնովսկի քաղաքային դատարանն Ադրբեջանի քաղաքացի Նեմաթ Մարդանովին տուգանել է 30 հազար ռուբլով։ Այս մասին հայտնում է Кавказский Узел-ը։
ՌԴ զինված ուժերի վարկաբեկման համար պատասխանատվությունը սահմանվել է 2022 թվականի մարտի 4-ին։ Նշվում է, որ դրանից հետո խաղաղասիրական հայացքների տեր մարդիկ սկսել են քրեական հետապնդման ենթարկվել Վարչական օրենսգրքի նոր՝ 20.3.3 հոդվածով։ Քաղաքացիների համար առավելագույն պատիժը 50 հազար ռուբլի տուգանքն է, սակայն մեկ տարվա ընթացքում կրկնվող խախտումները կարող են հանգեցնել քրեական հետապնդման:
Տուգանքի պատճառն այն է, որ 2023 թվականի սեպտեմբերին, գտնվելով Թուրքիայում, Ադրբեջանի քաղաքացին պացիֆիստական տեսանյութ է հրապարակել։ Մարդանովն ընդունել է առաջադրված մեղադրանքը։
Ըստ դատարանի կայքում հրապարակված որոշման՝ Ադրբեջանի քաղաքացին ՌԴ-ում բնակության թույլտվություն ունի և աշխատում է որպես շինարարական ընկերության կառավարիչ։
