21.11.2024 | 20:00
Օրինախախտ 24 պաշտոնյաները․ հայտարարագիր չներկայացրած ավագանիների մեծ մասը չգիտի՝ ինչ է այն․ ՏԵՍԱՆՅՈՒԹ
Ադրբեջանի կրակոցները՝ ՀՀ-Արևմուտք հանդիպման ուղղությամբ․ մեծ պատերազմով կխափանե՞ն պրոցեսը. ՏԵՍԱՆՅՈՒԹ
Քաղաքականություն
12.04.2024 | 21:00
Մի քանի օր է՝ դադարել են ադրբեջանական ինտենսիվ կրակոցները, որոնք սկսվեցին Բրյուսելում ՀՀ-ԱՄՆ-ԵՄ հանդիպման նախաշեմին և շարունակվեցին մինչև ապրիլի 10-ը։ Ներքին Խնձորեսկի հատվածում էր վերջին հրաձգությունը, որը, ըստ ԱԱԾ-ի, այսպես է սկսվել․ ՀՀ ԶՈւ զինծառայողները փորձել են հատել ՀՀ պետական սահմանը և վերադարձնել հոտը՝ այդ կերպ խախտելով սահմանապահ ծառայություն կրելու կանոնները, որն անզգուշությամբ պատճառել է էական վնաս․ «Նշված սահմանապահ հատվածում սկսվել է անհարկի հրաձգություն, ակնհայտ վտանգի է ենթարկվել մարդկանց կյանքն ու առողջությունը, այդ գործողություններն առաջացրել են պետության անվտանգությանը սպառնալիք, պատշաճ հսկողության բացակայության վիճակ»:
Քրեական վարույթ է նախաձեռնվել։ Օրեր առաջ Տավուշի հատվածում ադրբեջանական անկանոն կրակոցներից վնասվել էր գյուղացիների գույքը՝ տուն, ավտոմեքենա։ Սահմանային այս լարումները համընկան հայ-ադրբեջանական սահմանի սահմանագծման թեմայի ակտիվացման, անհապաղ 4 գյուղ հանձնելու Ադրբեջանի պահանջի, վարչապետի՝ սահմանագծումից խուսափելու պարագայում՝ պատերազմի անխուսափելիության մասին պնդման, Բրյուսելի հանդիպման, հայ-ռուսական և հայ-ադրբեջանական հարաբերությունների սրացումների հետ։
Ի՞նչ նպատակ ունեին ադրբեջանական կրակահերթերը սահմանին՝ պատերազմի սպառնալիքի՞ տրամաբանություն կա, թե՞ զուտ լոկալ միջադեպեր են, թե՞ 4 գյուղից հետ քաշվելու պահանջի ռազմական բաղադրիչն են։
Factor TV-ի տաղավարում հրավիրված քննարկմանը մասնակում են Հրաչյա Արզումանյանը՝ Ազգային անվտանգության և ռազմական հարցերով փորձագետ, Վարդան Խաչատրյանը՝ «Միացյալ Հայաստան» կուսակցության փոխնախագահ, Մհեր Բեջանյանը՝ «Հանրապետություն» կուսակցության ներկայացուցիչ, Գարեգին Միսկարյանը՝ «Ժողովրդավարական հարթակ» հիմնադրամի տնօրեն։
Մանրամասները՝ տեսանյութում։
