23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Մեկ քայլ հեռու ենք հաղթանակից․ Նեթանյահու
Քաղաքականություն
07.04.2024 | 20:17
Իսրայելի վարչապետ Բենիամին Նեթանյահուն կիրակի օրը հայտարարել է, որ Իսրայելը «մեկ քայլ հեռու է հաղթանակից» Գազայի պատերազմում և խոստացել է, որ զինադադար չի լինի այնքան ժամանակ, քանի դեռ ՀԱՄԱՍ-ը չի ազատել բոլոր պատանդներին: Այս մասին Նեթանյահուն հայտարարել է կառավարության նիստի ժամանակ․ փոխանցում է Times of Israel-ը։
«Ես հասկացրեցի միջազգային հանրությանը. առանց պատանդների վերադարձի հրադադար չի լինի։ Դա պարզապես տեղի չի ունենա։ Սա է Իսրայելի կառավարության քաղաքականությունը, և ես ողջունում եմ այն փաստը, որ Բայդենի վարչակազմն օրերս հստակ հայտարարեց, որ դա դեռևս նաև նրանց դիրքորոշումն է»:
Խոսելով պատերազմի զգալի ձեռքբերումների մասին՝ Նեթանյահուն հստակեցրել է, որ Իսրայելի պաշտպանության բանակը ոչնչացրել է ՀԱՄԱՍ-ի 24 գումարտակներից 19-ը, սպանել, վիրավորել կամ գերեվարել է Համասի ահաբեկիչների զգալի մասին» «մաքրել է» Համասի ահաբեկչական բազաները Շիֆայում և շատ այլ վայրերում, և մեթոդաբար ոչնչացնում է ՀԱՄԱՍ-ի ստորգետնյա թունելային ցանցը: «Մենք մի քայլ հեռու ենք հաղթանակից»,- ասել է նա։
