24.02.2026 | 18:06
Դատարան է հանձնվել Սեյրան Օհանյանի կնոջ՝ Ռուզան Խաչատրյանի վերաբերյալ քրեական վարույթի նյութերը
Զելենսկին պատրաստ չէ հրապարակավ կոչ անել օտարերկրյա բանակներին ուղղակիորեն մասնակցել ռազմական գործողություններին
Քաղաքականություն
07.04.2024 | 17:10
Ուկրաինական հեռուստաալիքին տված հարցազրույցում Վլադիմիր Զելենսկին ԱՄՆ ռազմական օգնությունն անվանել է «չափազանց կարևոր» և կոչ է արել Գերագույն ռադային հնարավորինս արագ ընդունել մոբիլիզացիայի մասին օրենքը՝ հավելելով, որ Ուկրաինան «իրավիճակի պատանդն է»։ Այս մասին հայտնում է DW-ն։
«Ցավոք, Ուկրաինայի դեմ Ռուսաստանի պատերազմի հարցը Միացյալ Նահանգներում դարձել է ներքաղաքական խնդիր, թեև դա ամբողջ աշխարհի անվտանգության հարցն է»,- ասել է նա։
Ուկրաինայի նախագահը նաև նշել է, որ Կիևը չունի 25 Patriot հակաօդային պաշտպանության համակարգեր «Ուկրաինան ամբողջությամբ փակելու համար»։ Patriot-ն է, որ կկարողանա պաշտպանել Ուկրաինայի էներգետիկ համակարգը վերջին շաբաթների ընթացքում ռուսական զանգվածային հարձակումներից:
Հարցազրույցում Զելենսկին իր աջացությունն է հայտնել ֆրանսիական բանակի ներգրավման վերաբերյալ Էմանուել Մակրոնի նախաձեռնությանը։ Նա ասել է, որ օտարերկրյա զինվորականները կարող են հատկապես օգտակար լինել ուկրաինական բանակի վերապատրաստման և շարքից դուրս եկած ռազմական տեխնիկայի վերանորոգման գործում։
Զելենսկին միաժամանակ նշել է, որ պատրաստ չէ հրապարակավ կոչ անել օտարերկրյա բանակներին ուղղակիորեն մասնակցել ռազմական գործողություններին, քանի որ այդ դեպքում Ռուսաստանը կօգտվի նման հնարավորությունից և «ամեն ինչ կանի այլ պետությունների ռազմական օգնությունը դադարեցնելու համար»։
