07.10.2026 | 11:52
Կոստանյանը ներկայացրել է ենթակառուցվածքների ապաշրջափակմամբ ստեղծվող տնտեսական հնարավորությունները
Թուրքիան դադարեցնում է մասնակցությունը Եվրոպայում սովորական զինված ուժերի մասին համաձայնագրին
Քաղաքականություն
05.04.2024 | 23:30
Թուրքիայի նախագահ Ռեջեփ Թայիփ Էրդողանը ստորագրել է հրամանագիր, որով դադարեցվում են Անկարայի պարտավորությունները Եվրոպայում սովորական զինված ուժերի մասին պայմանագրով։ Այս մասին ասվում է Resmi Gazete պաշտոնական տեղեկագրում։
«Նախագահի թիվ 9 հրամանագրի 3-րդ հոդվածի համաձայն՝ որոշում է կայացվել ապրիլի 8-ից կասեցնել ԵՍԶՈՒ պայմանագիրը»,- ասվում է փաստաթղթում։
Նշենք, որ պայմանագիրը ստորագրվել է Փարիզում 1990 թվականի նոյեմբերի 19-ին։ Այն կարգավորում էր ՆԱՏՕ-ի և Վարշավայի պայմանագրի երկրների միջև զինված ուժերի հավասարակշռությունը։ Ռուսաստանը դուրս է եկել պայմանագրից 2023 թվականի նոյեմբերի 7-ին։
Պայմանագրով նախատեսված պարտավորությունների կատարումը կասեցրել են նաև ԱՄՆ-ը, Մեծ Բրիտանիան, Գերմանիան և Լեհաստանը։
