05.08.2026 | 17:26
ՌԴ-ից Ադրբեջանի տարածքով ցորեն կուղարկվի Հայաստան
ՄԻԵԴ դատավորի հավակնորդ Հայկ Ալումյանը չպատասխանեց Արթուր Սաքունցի` Մարտի 1-ի գործին առնչվող հարցին
Քաղաքականություն
04.04.2024 | 15:02
Վճռաբեկ դատարանում ընթանում է ՄԻԵԴ դատավորի թեկնածուների ընտրության հարցազրույցի փուլը:Հանձնաժողովի կազմում է նաև «Հելսինկյան քաղաքացիական ասամբլեայի» Վանաձորի գրասենյակի ղեկավար Արթուր Սաքունցը: Վերջինս Ալումյանին հարց տվեց 2008 թվականի Մարտի 1-ի իրադարձություններից:
«2008 թվականի մարտի 1-ին ինչ որ կատարվեց, դրա մեղավորն իշխանությո՞ւնն էր,- հարցրեց Սաքունցը, սակայն Ալումյանը պատասխանեց, որ հարցը քաղաքական կոմպոնենտ ունի,
«Անվիճելի է, որ այս հարցը քաղաքական կոմպոնենտ ունի, իսկ ես այդ հարցին այս ընթացակարգի շրջանակներում չեմ ցանկանում պատախսանել»,- ասաց Ալումյանը` միաժամանակ նշելով, որ Մարտի 1-ի իրադարձությունների վերաբերյալ դեռևս գործեր են քննվում, և ինքը չի ցանկանում դատարանների տիրույթում գտնվող հարցերի վերաբերյալ պատասխաններ տալ:
Նշենք, որ Հայկ Ալումյանը եղել է Մարտի 1-ի իրադարձությունների վերաբերյալ հարուցված քրեական գործով Հայաստանի 2-րդ նախագահ Ռոբերտ Քոչարյանի պաշտպանը, բազմիցս պնդել է, որ նրա նկատմամբ ապօրինի քրեական հետապնդում է իրականացվում , ընդ որում` նրա նկատմամբ քրեական հետապնդում իրականացնող Դատախազության ներկայացուցիչը` Գլխավոր դատախազ Աննա Վարդապետյանը, Քոչարյանին առնվող գործերով որոշումներ կայացրած Վճռաբեկ դատարանի նախագահ Լիլիթ Թադևոսյանը, ՍՀ նախագահ Արման Դիլանյանն այսօրվա մրցույթի հանձնաժողովի կազմում են:
Արաքս Մամուլյան
