30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Հաագայում քննարկվում է «Պուտինի համար տրիբունալի» հարցը
Քաղաքականություն
02.04.2024 | 22:28
Այսօր Հաագայում մեկնարկել է «Վերականգնում ենք Ուկրաինայի արդարադատությունը» միջկառավարական համաժողովը։ Նիդեռլանդների և Ուկրաինայի կառավարություններն ամփոփում են Ռուսաստանի կողմից Ուկրաինա լայնամասշտաբ ներխուժման հետևանքով կատարված հանցագործությունների հետաքննության միջանկյալ արդյունքները, մեղավորների դատական հետապնդումը և այդ ուղղությամբ միջազգային ջանքերի համակարգումը, գրում է DW-ի ռուսական ծառայությունը։
Համաժողովի երկրորդ նպատակն է հասնել հետագա առաջընթացի՝ արդարադատության ոլորտում Ուկրաինայի նախագահ Վլադիմիր Զելենսկու «խաղաղության բանաձևի» նպատակներին հասնելու գործում։ Կիևի խնդրանքով Նիդերլանդներն առաջատար դեր է խաղում այս գործընթացում։
Խոսքը վերաբերում է ազգային հողի վրա ընդդեմ մարդկության կատարած հանցագործությունների ու ռազմական հանցագործությունների հետաքննման ու դատական հետապնդման գործում Ուկրաինային աջակցությանը, որով այժմ զբաղվում է 24 երկիր։
Կոնկրետ այս դեպքում շարունակվում է գլոբալ քննարկում Ռուսաստանի ռազմական և քաղաքական ղեկավարության համար հատուկ տրիբունալի ստեղծման շուրջ։
«Սա բարդ քննարկում է»,- համաժողովի մեկնարկից առաջ Հաագայում հայտարարել է Ուկրաինայի արտգործնախարար Դմիտրի Կուլեբան։
