31.10.2024 | 23:28
PKK-ի բարձրաստիճան ղեկավարն Անկարայի հետ խաղաղության նոր գործընթացը կապում է Օջալանի «ֆիզիկական ազատության» հետ
Ֆինլանդիայում 12-ամյա աշակերտը կրակ է բացել դպրոցում
Քաղաքականություն
02.04.2024 | 17:43
Ֆինլանդիայի Վանտաա քաղաքում 12-ամյա աշակերտը կրակ է բացել դպրոցում, ինչի հետևանքով սպանվել է նրա համադասարանցիներից մեկը, ևս երկուսը ծանր վիրավորվել են։ Այս մասին հայտնում է Yle-ն։
Միջադեպը տեղի է ունեցել առավոտյան Վիերտոլա դպրոցում։ Ոստիկանությունը կրակոցների մասին հաղորդում է ստացել առավոտյան ժամը 09։08-ին։ Մահացածն ու վիրավորը կրակ բացած աշակերտի հետ սովորել են նույն դասարանում։ Ոստիկանությունը չի հայտնել, թե ինչով է պայմանավորված եղել բախումը։
Ոստիկանները մեկ ժամ անց բերման են ենթարկել կրակելու մեջ կասկածվող դեռահասին՝ նա դիմադրություն չի ցուցաբերել։ Նրա մոտի ատրճանակը, ըստ ոստիկանության, պատկանել է իր ազգականին:
Ֆիննական լրատվամիջոցները նշում են, որ ձերբակալվածին դժվար թե դատեն, քանի որ երկրում քրեական պատասխանատվության ենթարկում են միայն 15 տարեկանից։ Դեռահասին կհարցաքննի ոստիկանությունը, ապա կհանձնի սոցիալական ծառայություններին:
