12.08.2026 | 10:00
ԱԺ-ն մշտական հանձնաժողովների նախագահներ է ընտրում․ ՈՒՂԻՂ
Թաթարստանը ենթարկվել է ԱԹՍ-ների հարձակման․կան տուժածներ․ՏԵՍԱՆՅՈՒԹ
Քաղաքականություն
02.04.2024 | 11:18
Անօդաչու սարքերը հարձակվել են Թաթարստանի Էլաբուգա և Նիժնեկամսկ քաղաքների ձեռնարկությունների վրա։ Այս մասին հայտնում է ՏԱՍՍ-ը՝ վկայակոչելով շրջանի ղեկավարի մամուլի ծառայությանը, գրում է Meduza-ն։ Ըստ աղբյուրի՝ տուժել է մի քանի մարդ, Baza տելեգրամ ալիքը գրում է 5 տուժածի մասին։ Միացյալ հերթապահ դիսպետչերական ծառայությունից ՌԲԿ-ին հայտնել են, որ վիրավորների թիվը հասել է 7-ի:
«Осторожно, новости» տելեգրամ ալիքը գրում է, որ Էլաբուգայում վնասվել է հանրակացարանների համալիրը, որը կառուցվել է հատուկ տնտեսական գոտու աշխատակիցների և տեղական «Ալաբուգա պոլիտեխ» քոլեջի ուսանողների համար 2022 թվականին։ Mash տելեգրամ ալիքն էլ գրում է, որ սա պատերազմի մեկնարկից ի վեր ԱԹՍ-ների առաջին հարձակումն է Թաթարստանի վրա։
«ՌԲԿ-Ուկրաինա»-ն էլ, վկայակոչելով հատուկ ծառայություններում իր աղբյուրներին, գրում է, որ այս հարձակումը Ուկրաինայի ՊՆ գլխավոր հետախուզական վարչության գործողությունն է։ Ուկրաինական իշխանությունները հարվածները չեն մեկնաբանում։
