23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՌԴ-ում Տաջիկստանի քաղաքացուն մեղադրանք է առաջադրվել «Կրոկուս»-ի ահաբեկչությունն արդարացնելու համար
Քաղաքականություն
28.03.2024 | 14:53
Մարտի 27-ին Սանկտ Պետերբուրգում ձերբակալվել է Տաջիկստանի 26-ամյա քաղաքացի Բախոդուր Զուխուրովը, իբր, «Կրոկուս սիթի հոլլ»-ի վրա «ահաբեկչական հարձակումն արդարացնելու համար»։ Նրա դեմ քրեական գործ է հարուցվել Ռուսաստանի Դաշնության Քրեական օրենսգրքի 205.2 հոդվածի 2-րդ մասով, գրում է Astra-ն։
Հետաքննության վարկածի համաձայն՝ նա ինչ-որ Telegram չաթում «Կրոկուս»-ում տեղի ունեցած ահաբեկչության տեսանյութն է հրապարակել՝ «այն արդարացնող բովանդակությամբ» մեկնաբանություններով։ Թե կոնկրետ ինչ մեկնաբանություններ են ու արդյո՞ք դրանք հենց Զուխուրովն է հրապարակել, հայտնի չէ։
Ավելի վաղ հայտնի էր դարձել, որ Տաջիկստանի քաղաքացի Ահմադ Ֆայզուլոխոնզոդան, որը, իբր, եղել է այն Telegram խմբի անդամ, որի միջոցով հավաքագրվել են մերձմոսկովյան «Կրոկուս սիթի հոլլ» առևտրի կենտրոնում տեղի ունեցած ահաբեկչության մեջ մեղադրվողները, կվտարվի Ռուսաստանից։ Նա նաև տուգանվել է 5000 ռուբլով և տեղափոխվել է օտարերկրյա քաղաքացիների ժամանակավոր պահման վայրում, հայտնել է Սանկտ Պետերբուրգի դատարանների մամուլի ծառայության ղեկավար Դարիա Լեբեդևան։
