23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ադրբեջանի և Ղրղզստանի քաղաքացիները մեղադրվում են ղրղզական ղեկավարության դեմ մահափորձ նախապատրաստելու մեջ
Քաղաքականություն
27.03.2024 | 14:23
Ղրղզստանի ղեկավարության դեմ մահափորձ նախապատրաստելու կասկածանքով 9 մարդ է ձերբակալվել։ Մարտի 23-ին Ղրղզստանի Պետական անվտանգության կոմիտեն հայտարարել էր հանցավոր խմբավորման անդամ Ադրբեջանի 5 քաղաքացիների ձերբակալության մասին։
Ըստ տեղեկատվության՝ Ալիև Վ.Մ.-ն, Բաղիրով Ս.Ա.-ն, Ասկերով Մ.Օ.-ն, Բեհբուտով Մ.Ս.-ն և Մամեդով Զ.Ի.-ն Ղրղզստանի ղեկավարության դեմ մահափորձ են ծրագրել։
Բաքուն հայտարարում է, որ ղրղզական կողմի խնդրանքով տեղեկություններ է տրամադրել այդ անձանց մասին։ Ադրբեջանի ՆԳՆ-ի հաղորդմամբ էլ՝ հետաքննության արդյունքում պարզվել է, որ որպես կասկածյալ բերման ենթարկված անձանցից մեկը նախկինում դատապարտված է եղել Ռուսաստանում, իսկ մյուսը՝ 2012թ. Ադրբեջանում կատարված հանցագործության համար։
Բացի այդ, Ղրղզստանի իրավապահ մարմինների պահանջով Ադրբեջանի տարածքում պարզվել է Ղրղզստանի 4 քաղաքացիների գտնվելու վայրը, որոնք կասկածվում են այդ անձանց հետ կապ ունենալու մեջ, և նրանք փոխանցվել են հակառակ կողմի համապատասխան իրավապահ մարմիններին։
Ղրղզական լրատվամիջոցներն իրենց հերթին հայտնում են Ղրղզստանի պետական մաքսային կոմիտեի նախկին ղեկավար Ռաիմբեկ Մատրաիմովի և նրա եղբոր՝ Թիլեկ Մատրաիմովի՝ Բաքվում կալանավորման և Բիշքեկին արտահանձնման մասին։
2024 թվականի հունվարին Ղրղզստանի Ազգային անվտանգության պետական կոմիտեն Մատրաիմովի նկատմամբ հետախուզում է հայտարարել։ Ըստ քննության վարկածի՝ նա և իր եղբայրները մահափորձ են ծրագրել Ղրղզստանի քաղաքական ղեկավարության դեմ։
