Թուրքիայի և Ադրբեջանի արձագանքները «Կրոկուս Սիթի Հոլում» տեղի ունեցած ահաբեկչությանը

Թուրքիայի ԱԳ նախարար Հաքան Ֆիդանը Ռուսաստանի ԱԳ նախարար Սերգեյ Լավրովի հետ հեռախոսազրույցում ցավակցություն է հայտնել Մոսկվայի «Կրոկուս Սիթի Հոլում» տեղի ունեցած ահաբեկչության կապակցությամբ: Այս մասին հայտնել Է ՌԴ ԱԳՆ պաշտոնական ներկայացուցիչ Մարիա Զախարովան:

«Թուրքիայի ԱԳ նախարարը զանգահարել է Սերգեյ Լավրովին և նախագահ Էրդողանի անունից ցավակցություն հայտնել Ռուսաստանի ժողովրդին «Կրոկուս Սիթի Հոլլ»-ում տեղի ունեցած ողբերգության կապակցությամբ և արտահայտել արյունալի ահաբեկչության անվերապահ դատապարտումը»,- գրել Է Զախարովան Telegram-ի իր ալիքում:Ադրբեջանի

Ադրբեջանի նախագահ Իլհամ Ալիևը դեպքի առնչությամբ ցավակցություն է հայտնել ՌԴ նախագահ Վլադիմիր Պուտինին.

«Հարգելի Վլադիմիր Վլադիմիրի,

Խորապես ցնցված եմ «Կրոկուս Սիթի Հոլ» համերգասրահում տեղի ունեցած հրեշավոր ահաբեկչության լուրից։

Խստորեն դատապարտում եմ այս ահաբեկչական գործողությունը և Ադրբեջանի ժողովրդի և անձամբ իմ անունից անկեղծ ցավակցություն եմ հայտնում Ձեզ, Ռուսաստանի ողջ ժողովրդին, զոհվածների հարազատներին ու մերձավորներին: Շուտափույթ ապաքինում եմ մաղթում բոլոր տուժածներին»։

Ավելի վաղ ՀՀ ԱԳՆ-ն ևս ցավակցություն էր հայտնել տեղի ունեցածի կապակցությամբ։

Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլ»-ում կրակոցների մասին:

ԱՄՆ նախագահ Ջո Բայդենի վարչակազմը ցավակցություն է հայտնել Մոսկվայի «Կրոկուս սիթի հոլ» համերգասրահում տեղի ունեցած ահաբեկչության զոհերի և վիրավորների ընտանիքներին։

Ռուս պաշտոնյաները «Կրոկուս սիթիի» վրա հարձակումն ահաբեկչություն են որակել։

Նախնական տվյալներով՝ 40 մարդ է զոհվել, ավելի քան 100-ը՝ տուժել։ «ՌԻԱ Նովոստի»-ի փոխանցմամբ՝ այս մասին տեղեկացնում են ԱԴԾ հանրային կապերի կենտրոնից: