07.10.2026 | 11:33
ՄԱԿ-ի Մարդու իրավունքների խորհուրդը միաձայն ընդունել է Հայաստանի հեղինակած բանաձևը
Ադրբեջանի ԱԳՆ-ն դժգոհել է Ֆրանսիայի վարչապետի հայտարարություններից
Քաղաքականություն
21.03.2024 | 15:25
Ադրբեջանի ԱԳՆ խոսնակ Այխան Հաջիզադեն մեկնաբանել է Ֆրանսիայի վարչապետ Գաբրիել Աթալի՝ հայ համայնքի ներկայացուցիչների հանդիպմանն արած հայտարարությունները։ Հաջիդզադեն դատապարտել է Ադրբեջանին ուղղված պահանջներն ու Հայաստանի հետ կապված հայտարարությունները։
«Ֆրանսիայի վարչապետին, որը դատապարտել է Ադրբեջանի ինքնիշխան տարածքներում տեղակայված հայկական զինված ուժերի մնացորդների դեմ ձեռնարկված հակաահաբեկչական միջոցառումները և Ադրբեջանին մեղադրել հայկական տարածքների օկուպացիայի մեջ, հիշեցնում ենք, որ ադրբեջանական կողմի ձեռնարկած միջոցառումները չեն խախտում միջազգային իրավունքի նորմերն ու սկզբունքները, ինչպես նաև ՄԱԿ-ի Անվտանգության խորհրդի դրույթները, որի մշտական անդամ է Ֆրանսիան, լիովին համահունչ են հայ-ադրբեջանական հակամարտությանը վերաբերող բանաձևերին»,- ասել է Հաջիզադեն։
«Եվս մեկ անգամ կոչ ենք անում ֆրանսիական կողմին՝ դասեր քաղել իր պատմությունից, չմիջամտել Ադրբեջանի ներքին գործերին և դադարեցնել նման սադրիչ հայտարարությունները»,- հավելել է նա։
Հիշեցնենք՝ Գաբրիել Աթալն իր ելույթում Ադրբեջանից պահանջել էր դուրս բերել զինված ուժերը Հայաստանի օկուպացված տարածքներից՝ ընդգծելով, որ Ադրբեջանի նախագահ Իլհամ Ալիևն ինքն է խոստովանել, որ ադրբեջանական ուժերն առաջ են անցել հայկական տարածքի մի քանի կետերում։
