08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Արցախում ռուս խաղաղապահները վաղաժամ քվեարկել են ՌԴ նախագահի ընտրություններում
Քաղաքականություն
14.03.2024 | 13:10
Մարտի 11-13-ը Բաքվում Ռուսաստանի դեսպանատան աշխատակիցները ՌԴ նախագահական ընտրությունների վաղաժամ քվեարկություն են կազմակերպել Արցախում՝ ռուս խաղաղապահների տեղակայման վայրերում։ Այս մասին հայտնում են ադրբեջանական լրատվամիջոցները՝ վկայակոչելով Բաքվում ՌԴ դեսպանատանը։
ՌԴ ՊՆ-ի հաղորդագրության մեջ նշվում է, որ «Ադրբեջանի Հանրապետության Ղարաբաղի տնտեսական տարածաշրջանում ռուսական խաղաղապահ զորախմբի հրամանատարական կազմը, զինվորական և քաղաքացիական անձնակազմերը մասնակցել են պետության ղեկավարի ընտրությունների վաղաժամկետ քվեարկությանը»։
Նշվում է նաև, որ 2023 թվականի նոյեմբերին ավարտվել է ռուս խաղաղապահ զորակազմի անձնակազմի ռոտացիան։ ՌԴ ՊՆ-ն հայտարարում է, որ ռուս խաղաղապահ զորախումբը շարունակում է առաջադրանքներ իրականացնել Ղարաբաղյան տարածաշրջանում։ Նշվում է, որ «պահպանվում է շարունակական փոխգործակցությունը Բաքվի հետ՝ ուղղված խաղաղ բնակչության անվտանգության ապահովմանը և մարդասիրական իրավունքի պահպանմանը»։ Սա ուշագրավ է առնվազն այն առումով, որ Արցախն ամբողջությամբ հայաթափվել է և այնտեղ բնակչություն չկա։
Հավելենք, որ ՌԴ նախագահի ընտրությունների քվեարկությունը տեղի է ունենալու մարտ 15-17-ը։
Էմմա Չոբանյան
