15.12.2025 | 15:43
ՀՀ ԱԳ նախարարի տեղակալը հանդիպել է ՄԱԿ-ի Քաղաքակրթությունների դաշինքի բարձր ներկայացուցչի հետ
Ալեն Սիմոնյանը չբացառեց, որ 44-օրյա պատերազմը ռուս-թուրքական պայմանավորվածություն է եղել
Քաղաքականություն
29.02.2024 | 17:56
ԱԺ նախագահ Ալեն Սիմոնյանն այսօր խորհրդարանում լրագրողների հետ ճեպազրույցում անդրադարձել է 44-օրյա պատերազմին՝ նշելով, որ մեր դաշնակիցը (Ռուսաստանը-խմբ), որը պետք է մեզ պաշտպաներ, լավագույն դեպքում՝ չի պաշտպանում։
«Ես վստահ եմ, որ համատեղ գործընթաց կա ու շատ վաղուց, և վստահ եմ, որ Ուկրաինայի պատերազմը սկսվել է Լեռնային Ղարաբաղի պատերազմով (2020 թ․)։ Այստեղ պետք էր այլընտրանքային ճանապարհ ստանալ հնարավոր պատժամիջոցներից խուսափելու համար, ինչը հիմա արվում է։ Օրինակ՝ ռուսական գազը հիմա Ադրբեջանը վաճառում է Եվրոպային իր խողովակներով։ Դա փաստ է»,- նշեց Ալեն Սիմոնյանը։
Նա չբացառեց, որ Ղարաբաղյան պատերազմում 2020 թվականի լայնածավալ ռազմական գործողությունները եղել են Ռուսաստանի և Թուրքիայի միջև պայմանավորվածությամբ։
«Ես դա չեմ բացառում, որովհետև երբ փաստերը համադրում ես, հասկանում ես, որ ամբողջը փոխկապակցված էր։ Նույնիսկ ես կարող եմ ասել, որ Սիրիայից է սկսվել։ Սիրիայում ռուս-թուրքական բախումը, հիշո՞ւմ եք՝ ինքնաթիռ խփեցին, լարվածություն եղավ, հետո տեղափոխվեց մեր տարածաշրջան, փորձ կատարվեց այս տարածաշրջանում ապահովել ստաբիլություն, օղակ գցել երկու երկրների վզին՝ թե՛ Ադրբեջանի, թե՛ Հայաստանի վրա, բայց պլանները խախտվեցին, Թուրքիան ներս մտավ։ Չեմ բացառում, որ Թուրքիայի հետ է եղել այդ պայմանավորվածությունը»,- նշեց Սիմոնյանը։
