12.08.2026 | 10:55
Պուտինն ազատ է արձակել ամերիկացի նախկին ծովային հետևակային Ռոբերտ Գիլմանին
Լավրովը Թուրքիայում կքննարկի Անդրկովկասում ստեղծված իրավիճակը
Քաղաքականություն
28.02.2024 | 16:56
ՌԴ ԱԳ նախարար Սերգեյ Լավրովը մարտի 1-2-ը կայցելի Թուրքիա՝ մասնակցելու Անթալիայի ֆորումին։ Այցի ընթացքում նա նաև բանակցություններ կվարի իր թուրք գործընկերոջ հետ, ամենաշաբաթյա ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
«Այս հանդիպման ընթացքում նախատեսվում է քննարկել խնդիրների լայն շրջանակ, առաջին հերթին՝ երկկողմ համագործակցության վիճակն ու հեռանկարները փոխադարձ հետաքրքրություն ներկայացնող ոլորտներում՝ առևտուր, էներգետիկա, անվտանգություն, բանկային ոլորտ, զբոսաշրջություն և այլն։ Բացի այդ, նախարարները մտքեր կփոխանակեն տարածաշրջանային և միջազգային օրակարգի հարցերի շուրջ, այդ թվում՝ Ուկրաինայում, Անդրկովկասում, պաղեստինա-իսրայելական, Սիրիայի և Լիբիայի իրավիճակի վերաբերյալ»,- ասել է Զախարովան։
Նա նաև նշել է, որ Լավրովը ֆորումի շրջանակում մի շարք երկկողմ հանդիպումներ կունենա։
Հիշեցնենք, որ Հայաստանի արտաքին գործերի նախարար Արարատ Միրզոյանը նույնպես մարտի 1-ին աշխատանքային այցով կմեկնի Թուրքիա՝ մասնակցելու Անթալիայի դիվանագիտական ֆորումին։ Այցի վերաբերյալ այլ մանրամասներ այս պահին չեն հաղորդվում:
