12.08.2026 | 10:55
Պուտինն ազատ է արձակել ամերիկացի նախկին ծովային հետևակային Ռոբերտ Գիլմանին
Բրյուսելում Ադրբեջանի դեսպանը ՀՀ-ի նկատմամբ օգտագործում է նույն սպառնալիքները, ինչ Կրեմլը՝ Ուկրաինայի․ ԵԽ պատգամավոր
Քաղաքականություն
28.02.2024 | 12:09
Եվրախորհրդարանի պատգամավոր, անվտանգության և պաշտպանության հարցերով ենթահանձնաժողովի նախագահ Նատալի Լուազոն X-ում գրառմամբ անդրադարձել է Բելգիայում և Լյուքսեմբուրգում Ադրբեջանի դեսպան, ԵՄ-ում ադրբեջանական առաքելության ղեկավար Վագիֆ Սադիկովի գրառմանը։
«Բրյուսելում Ադրբեջանի դեսպանը դիվանագետի հակապատկեր է։ Չբավարարվելով Եվրախորհրդարանի պատգամավորներին սպառնալով՝ նա Հայաստանի կառավարության նկատմամբ օգտագործում է նույն հռետորաբանությունն ու սպառնալիքները, ինչ Կրեմլը՝ Ուկրաինայի նկատմամբ: Նա այլևս դեսպանի իր տեղում չէ»,- գրել է Լուազոն։
Եվրոպացի պատգամավորը նաև ներկայացրել է Սադիկովի գրառումը։
«1992 թվականից ի վեր մինչ օրս Հայաստանը կառավարվում է արյունարբու ֆաշիստների կողմից, որոնք մարդկության դեմ հանցագործություններ են կատարել․ 300 հազար ադրբեջանցիների էթնիկ զտումներ պատմականորեն հայտնի Արևմտյան Ադրբեջանում (այսօր՝ Հայաստան), իսկ ավելի ուշ՝ բուն Ադրբեջանում՝ ջարդեր Բաղանիս Այրումում, Մալիբեյլիում, Գուշչուլարում, Խոջալուում, հրթիռային հարձակումներ խաղաղ բնակիչների դեմ՝ Բարդայում, Գյանջայում… Ֆաշիստները միշտ ֆաշիստներ են, քանի դեռ չեն հայտնվել Եռաբլուրում»,- գրել է Սադիկովը։
