12.08.2026 | 10:55
Պուտինն ազատ է արձակել ամերիկացի նախկին ծովային հետևակային Ռոբերտ Գիլմանին
Ուկրաինայի ԶՈՒ-ն հայտնել է գիշերն արձակված բոլոր «Շահեդ»-ները ոչնչացնելու մասին
Քաղաքականություն
28.02.2024 | 10:59
Ուկրաինայի հարավի պաշտպանական ուժերը հայտնել են, որ անցած գիշեր Օդեսայի և Նիկոլաևի շրջանների ուղղությամբ արձակվել է ռուսական 10 անօդաչու թռչող սարք, բոլորը խոցվել են, փոխանցում է BBC-ի ռուսական ծառայությունը։
«Գիշերը ռուսները «Շահեդ-131/136» տեսակի կամիկաձե անօդաչու սարքերով հարձակվել են հարավային շրջանների վրա։ Հակառակորդը 10 հարվածային անօդաչու թռչող սարք է ուղարկել Սև ծովից Նիկոլաևի և Օդեսայի շրջաններ։ ՀՕՊ ստորաբաժանումները 1,5 ժամ ինտենսիվորեն հետ են մղել այս հարձակումը։ «Շահեդների» ճնշող մեծամասնությունը խոցվել է ծովի վրա՝ 1-ը՝ Նիկոլաևի շրջանում, 9-ը՝ Օդեսայի»,- ասվում է հաղորդագրության մեջ։
Անօդաչուներից մեկի բեկորները վնասել են Օդեսայի արդյունաբերական գոտում գտնվող կարևոր ենթակառուցվածքային օբյեկտներից մեկի տրանսֆորմատորը, ինչի հետևանքով կարճ միացում է տեղի ունեցել և հրդեհ է բռնկվել: Հրդեհն արագ մարվել է, զոհեր և վիրավորներ չկան, հայտնում են զինվորականները։
ՌԴ ՊՆ-ն իր հերթին հայտնել է, որ անցած գիշեր Բելգորոդի շրջանում ուկրաինական անօդաչու թռչող սարք է խոցվել։
«Հերթապահ հակաօդային պաշտպանության համակարգերը Բելգորոդի շրջանի տարածքում ոչնչացրել են ուկրաինական անօդաչու թռչող սարք»,- հայտնել են գերատեսչությունից։
