18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ռուսաստանը ԵՄ-ից միլիոնավոր եվրոյի պատժամիջոցների տակ գտնվող ապրանքներ է ստանում, այդ թվում՝ ՀՀ-ի միջոցով․ Bloomberg
Քաղաքականություն
27.02.2024 | 14:55
2023 թվականի ընդամենը ինն ամիսների ընթացքում Եվրամիությունից Ռուսաստանի ստացած պատժամիջոցների տակ գտնվող ապրանքների և տեխնոլոգիաների արժեքը, որոնք կարող էին օգտագործվել ռազմական նպատակներով, կազմել է 450 միլիոն եվրո։ Ընդ որում, ապրանքների գրեթե մեկ քառորդը եկել է անմիջապես եվրոպական երկրներից։ Այս մասին գրում է Bloomberg-ը՝ հիմնվելով առևտրային հոսքերի վերաբերյալ տվյալների վերլուծության վրա։
Հոդվածում չի նշվում, թե կոնկրետ որ պատժամիջոցների տակ գտնվող ապրանքների մասին է խոսքը, որոնք գործակալությունն անվանում է «բարձր առաջնահերթության»։ Ըստ աղբյուրի՝ ուկրաինական պատերազմի սկսվելուց հետո ԵՄ-ի և Ռուսաստանի միջև այս ապրանքների առևտրի ծավալը նվազել է։
Միաժամանակ, սակայն, կտրուկ աճել է նույն ապրանքների արտահանումը եվրոպական երկրներից երրորդ երկրներ, այնտեղից էլ՝ Ռուսաստան։ Պատժամիջոցները շրջանցող մատակարարումների մեջ ներգրավված երկրների թվում Bloomberg-ը նշում է Թուրքիան, ԱՄԷ-ն, Սերբիան և Չինաստանը, ինչպես նաև Ուզբեկստանը, Ղազախստանը, Ղրղզստանը և Հայաստանը։
Գործակալությունը պարզել է նաև, որ պատժամիջոցների տակ գտնվող որոշ ապրանքներ արտադրվում են եվրոպական արտադրողների արտասահմանյան դուստր ձեռնարկությունների կողմից և երրորդ երկրների միջոցով արտահանվում են նաև Ռուսաստան։
Եվրահանձնաժողովի ներկայացուցիչները չեն պատասխանել թեմայի շուրջ Bloomberg-ի հարցերին։
