07.10.2026 | 23:48
Արթուր Դանիելյանը կալանավորվեց
Լևոն Քոչարյանի գործով դատական նիստը. ՈՒՂԻՂ
Հասարակություն
27.02.2024 | 13:05
Երևանի ընդհանուր իրավասության դատարանում՝ նախագահությամբ դատավոր Կարեն Ֆարխոյանի, մեկնարկեց Հայաստանի 2-րդ նախագահ Ռոբերտ Քոչարյանի որդու՝ Ազգային ժողովի պատգամավոր Լևոն Քոչարյանի և պահեստազորի սպա Սերգեյ Ասատուրովի գործի քննությունը։
Քոչարյանը և Ասատուրովը, ըստ մեղադրանքի, պաշտոնատար անձ հանդիսացող ՀՀ ՆԳՆ ոստիկանության ԵՔՎ հատուկ նշանակության գումարտակի ծառայողների օրինական ծառայողական գործունեությանը միջամտելու նպատակով բռնություն են գործադրել նրանց նկատմամբ: Սերգեյ Ասատուրովին մեղադրանք է ներկայացվել գործի նախաքննության ավարտին։ Լևոն Քոչարյանը իր նկատմամբ քրեական հետապնդում հարուցելու պահից ի վեր պնդել է, որ մեղադրանքը չի ընդունում, ավելին, հայտնել է, որ ոստիկաններն են իր նկատմամբ բռնություն գործադրել, որի առթիվ ևս քրեական գործ է հարուցվել։ Քոչարյանի և Ասատուրովի նկատմամբ որպես խափանման միջոց է ընտրված բացակայելու արգելքը։
Հիշեցնենք, որ գործով մեղադրյալները Արցախի բնակիչների բռնի տեղահանումից հետո Երևանում ընդդիմության ակցիաների ժամանակ էր բերման ենթարկվել։
Այսօր դատարանում նախնական դատալսումներ են, որի ընթացքում քննության առարկա են դառնալու դատավորին և դատավարության մասնակիցներին բացարկի, մեղադրյալների նկատմամբ խափանման միջոցի և այլ հարցեր։
Արաքս Մամուլյան
