16.12.2025 | 20:19
«Առանց հանգստյան օրերի». երբ պատրաստ կլինեն 300 դպրոցները և Ակադեմիական քաղաքը՝ ըստ Անդրեասյանի
«Շաթդաունի» սպառնալիքի ֆոնին Բայդենը կհանդիպի Կոնգրեսի ղեկավարների հետ
Քաղաքականություն
27.02.2024 | 15:56
ԱՄՆ նախագահ Ջո Բայդենը նախատեսում է երեքշաբթի հանդիպել Կոնգրեսի ղեկավարների հետ՝ քննարկելու կառավարության ֆինանսավորումը շաթդաունի մոտալուտ սպառնալիքի ֆոնին։ VOA-ի փոխանցմամբ՝ այս մասին հայտնել է Սպիտակ տունը:
Բայդենը կհանդիպի Ներկայացուցիչների պալատի և Սենատի առաջատար դեմոկրատների և հանրապետականների հետ՝ քննարկելու կառավարության ֆինանսավորման օրինագծի ընդունման հրատապությունը ուրբաթ կեսգիշերից առաջ: Նա նաև նախատեսում է քննարկել ազգային անվտանգության վերաբերյալ օրինագիծը, որով նախատեսվում է օգնություն Ուկրաինային, Իսրայելին և Թայվանին:
Հանդիպումը տեղի է ունենալու այն պայմաններում, երբ օրենսդիրները հայտնվել են փակուղում, քանի որ փորձում են խուսափել կառավարության մասնակի շաթդաունից: Սենատի մեծամասնության դեմոկրատ առաջնորդ Չակ Շումերը կիրակի հայտարարել է, որ համաձայնություն դեռևս ձեռք չի բերվել:
Շփումերը Կոնգրեսի հանրապետական Ներկայացուցիչների պալատի խոսնակ Մայք Ջոնսոնին կոչ է արել «ավելի շատ նախաձեռնողականություն ցուցաբերել» և երկկուսակցական փոխզիջում գտնել՝ չնայած իր կուսակցության ամենապահպանողական օրենսդիրների առարկություններին:
Որոշ դաշնային գործակալությունների, այդ թվում՝ Տրանսպորտի նախարարության ֆինանսավորման ժամկետը լրանում է մարտի 1-ին։ Մյուսներինը, օրինակ՝ ՊՆ-ի համար, այս ամսաթիվը մարտի 8-ն է։
Հիշեցնենք, որ հունվարին ԱՄՆ նախագահ Ջո Բայդենը շաթդաունից խուսափելու համար ստորագրել է օրենք, որով կառավարության ժամանակավոր ֆինանսավորումը երկարաձգել է մինչև մարտ: Փաստաթուղթը նախատեսում է կառավարության մի շարք հաստատությունների ֆինանսավորման երկարաձգում մինչև 2024 թվականի մարտի 1-ը, իսկ մյուս հաստատություններինը՝ մինչև մարտի 8-ը։
